చంద్రబాబు నివాసంలో గెలుపు సంబరాలు

ఆంధ్రప్రదేశ్  ఎన్నికల్లో కూటమి ఘనవిజయం దిశగా దూసుకెళ్ళుతుండటంతో టీడీపీ అధినేత చంద్రబాబు నివాసంలో సంబరాలు అంబరాన్ని అంటాయి. చంద్రబాబు, నారా లోకేశ్, భువనేశ్వరి, బ్రాహ్మణి, దేవాన్ష్, ఇతర కుటుంబ సభ్యులు కేరింతలు కొడుతూ ఒకరికొకరు శుభాకాంక్షలు తెలుపుకున్నారు. చిన్నారి దేవాన్ష్ కేక్ కోసి అందరికీ తినిపించాడు. గెలుపు సంబరాల్లో  నందమూరి కుటుంబ సభ్యులు కూడా పాల్గొని హర్షం వ్యక్తం చేశారు.  

టీడీపీ అధినేత నారా చంద్రబాబు నాయుడును బీజేపీ ఏపీ వ్యవహారాల ఇంచార్జ్ సిద్ధార్థ్ నాథ్ సింగ్ మర్యాద పూర్వకంగా కలిశారు. ఎన్డీయే కూటమి ఘన విజయంపై హర్షం వ్యక్తం చేసి చంద్రబాబుకు అభినందనలు తెలిపారు.