ఏపీలో కూటమి అధికారం ఏర్పాటు దిశగా అడుగులేస్తోంది. ఇప్పటికే టీడీపీ, జనసేన,బీజేపీ కూటమి అభ్యర్థులు 158 స్థానాల్లో మెజారిటీలో ఉన్నారు. వైసీపీ కేవలం 17 సీట్లలో ఆధిక్యంలో ఉంది. ఇదే ట్రెండ్ కొనసాగితే కూటమి విజయం లాంఛనమే. ఇప్పటికే టీడీపీ నుంచి ముగ్గురు గెలుపొందారు. రాజమండ్రి రూరల్ నుంచి బుచ్చయ్య చౌదరి, రాజమండ్రి సిటీ నుంచి ఆదిరెడ్డి వాసు, పాలకొల్లు నుంచి నిమ్మల రామానాయుడు భారీ మెజారిటీతో గెలుపొందారు.
ఈ నెల 9న ముఖ్యమంత్రిగా ప్రమాణ స్వీకారం చేసేందుకు టీడీపీ అధినేత చంద్రబాబునాయుడు సిద్దం అవుతున్నారు. చంద్రబాబు సీఎంగా నాలుగోసారి ప్రమాణ స్వీకారం చేయనున్నారు. ప్రమాణ స్వీకారం ఎక్కడ చేస్తారనే దానిపై స్పష్టత రావాల్సి ఉంది. ఇప్పటికే చంద్రబాబు నివాసం ఉండవల్లి కరకట్ట వద్ద పోలీసులు భద్రత పెంచారు. తాడేపల్లిలోని వైసీపీ కార్యాలయం, సీఎం క్యాంప్ ఆఫీసు ఖాళీ అయిపోయాయి.
