సార్వత్రిక ఎన్నికల ఫలితాల్లో బీజేపీ హవా కొనసాగుతోంది. బీజేపీ సీనియర్ నేత, కేంద్ర హోం మంత్రి అమిత్ షా గుజరాత్‌లోని గాంధీనగర్ నుంచి కాంగ్రెస్ అభ్యర్థి సోనాల్ రమణ్‌బాయ్‌పై 3 లక్షల 70 వేలకు పైగా ఓట్ల మెజారిటీతో గెలిచారు. బీజేపీ 290, ఇండియా కూటమి 234 స్థానాల్లో ఆధిక్యంలో కొనసాగుతున్నాయి. ఉత్తరప్రదేశ్‌లో ఎస్పీ అనూహ్యంగా పుంజుకుంది. తమిళనాడులో డీఎంకే హవా కొనసాగుతోంది.
ఏపీలో టీడీపీ, జనసేన, బీజేపీ కూటమి అభ్యర్థులు దూసుకెళుతున్నారు. కూటమి అభ్యర్ధులు 151 స్థానాల్లో ఆధిక్యంలో ఉన్నారు. రాజమండ్రి రూరల్ నుంచి టీడీపీ అభ్యర్థి గోరంట్ల బుచ్చయ్య చౌదరి భారీ మెజారిటీతో గెలిచారు. రాజమండ్రి సిటీ నుంచి ఆదిరెడ్డి వాసు గెలుపొందారు. కడపలోనూ కూటమి సత్తా చాటుతోంది.
