అంతర్జాతీయ చెస్‌లో భారత గ్రాండ్‌మాస్టర్ ప్రజ్ఞానంద దూసుకెళుతున్నారు.ఇటీవల ప్రపంచ నెంబర్ వన్ ర్యాంకింగ్ ఆటగాడిని ఓడించిన ప్రజ్ఞానంద, ఇవాళ నెంబరు 2 ర్యాంకర్‌ను మట్టికరిపించాడు. వరుసగా ఇద్దరు టాప్ ర్యాంకర్లను ఓడించి ప్రజ్ఞానంద వరల్డ్ టాప్ 10 ర్యాంకర్స్ జాబితాలో చోటు సంపాదించాడు.
ఐదుసార్లు వరల్డ్ నెంబర్ వన్‌గా నిలిచిన కార్ల్‌సన్‌ను గత వారం మట్టికరిపించిన ప్రజ్ఞానంద, అదే దూకుడుతో ముందుకెళుతున్నారు. కార్ల్‌సన్‌ను కేవలం 37 ఎత్తుల్లో చిత్తు చేశాడు. ర్యాపిడ్, ఎగ్జిబిషన్ ఆటల్లో ప్రజ్ఞానంద, కార్ల్‌సన్‌ను పలుమార్లు ఓడించాడు.
తాజాగా నెంబర్ 2 ఆటగాడు ఫాబియా కరువానాను ప్రజ్ఞానంద ఓడించాడు. నార్వే చెస్ టోర్నీ ఐదో రౌండులో తెల్లపావులతో బరిలో దిగిన ప్రజ్ఞానంద వరుసగా ఇద్దరు టాప్ ప్లేయర్లను ఓడించడం విశేషం.
