సార్వత్రిక ఎన్నికలు శనివారం సాయంత్రానికే ముగిశాయి. దేశ వ్యాప్తంగా 4వ తేదీ కౌంటింగ్ మొదలవుతుంది. అయితే అరుణాచల్‌ప్రదేశ్, సిక్కిం రాష్ట్రాల్లో ఆదివారంనాడే కౌంటింగ్ ప్రారంభమైంది. అక్కడి అసెంబ్లీలకు నేటిలో కాలం ముగియనుంది. దీంతో ఆ రెండు రాష్ట్రాల అసెంబ్లీ ఎన్నికల ఫలితాలు ఇవాళ సాయంత్రానికి తేలనున్నాయి.
అరుణాచల్‌ప్రదేశ్‌లో బీజేపీ హవా కొనసాగుతోంది. ఇప్పటి వరకు అందిన ఫలితాలను బట్టి అత్యధిక స్థానాల్లో బీజేపీ లీడ్ కొనసాగుతోంది. ఇక సిక్కింలో సిక్కిం క్రాంతికారి మోర్చా అత్యధిక స్థానాల్లో లీడ్ చేస్తోంది. అరుణాచల్‌ప్రదేశ్‌లో 60, సిక్కింలో 32 అసెంబ్లీ స్థానాల ఫలితాలు సాయంత్రానికి తేలనున్నాయి.
