లోక్సభ ఎన్నికలు-2024 లో భాగంగా రేపు చివరి దశ పోలింగ్‌ జరుగనుంది. అయితే ఎన్నికల షెడ్యూల్‌ వెలువడిన తర్వాత నుంచి మే 30 వరకు దేశవ్యాప్తంగా జరిగిన ఐటీ సోదాల్లో రూ.1,100 కోట్ల నగదుతో పాటు పెద్దమొత్తంలో బంగారాన్ని కూడా అధికారులు సీజ్ చేశారు.
ఎలక్షన్‌ కోడ్‌లో భాగంగా ఆదాయ‌ప‌న్ను శాఖ నిర్వ‌హించిన తనిఖీల్లో సుమారు రూ. 1100 కోట్ల నగదుతో పాటు బంగారాన్ని సీజ్ చేసింది. 2019 నాటి ఎన్నిక‌ల‌తో పోలిస్తే సీజ్ నగదు విలువ దాదాపు 182 శాతం అధికంగా ఉంది. గ‌త లోక్సభ ఎన్నికల సమయంలో రూ. 390 కోట్ల నగదు సీజ్ చేశారు.
ఈ ఏడాది మార్చి 16 నుంచి ఎన్నికల కోడ్‌ అమలులో వచ్చింది. ధన ప్రభావంతో ఓట‌ర్ల‌ను ప్ర‌భావితం చేస్తున్నారనే సమాచారం మేరకు ఐటీ శాఖ సోదాలు నిర్వహించింది.
దిల్లీ, క‌ర్ణాటక, తమిళనాడులో అత్యధికంగా నగదు సీజ్ చేశారు. తమిళనాడులో ఏకంగా రూ.150 కోట్ల వరకు నగదు సీజ్ చేయగా, తెలంగాణ, ఒడిశా, ఏపీ సహా పలు రాష్ట్రాల్లో కలిసి దాదాపు రూ.100 కోట్ల వరకు నగదు స్వాధీనం చేసుకుని సీజ్ చేశారు.
