ఏపీ ప్రభుత్వ సలహాదారు సజ్జల రామకృష్ణారెడ్డిపై గుంటూరు జిల్లా తాడేపల్లి పోలీస్ స్టేషన్లో క్రిమినల్ కేసు నమోదైంది. ఎన్నికల కౌంటింగ్ ఏజంట్లు రూల్స్ పాటించవద్దని, తిరగబడేవాళ్లే వైసీపీ తరఫున ఉండాలని ఆయన చేసిన వ్యాఖ్యలపై ప్రముఖ న్యాయవాది గూడపాటి లక్ష్మీనారాయణ పోలీసులకు ఫిర్యాదు చేశారు. లక్ష్మీనారాయణ ఫిర్యాదు మేరకు తాడేపల్లి పోలీసులు 153, 102 , 125ఆర్పీఏ సెక్షన్ల కింద క్రిమినల్ కేసులు నమోదు చేశారు.
ఎన్నికల కోడ్ ఉల్లంఘన, రెచ్చగొట్టే వ్యాఖ్యలు చేయడంతో సజ్జలపై కేసు నమోదైంది. కోడ్ అమల్లో ఉండగా రెచ్చగొట్టే వ్యాఖ్యలు చేయడం ఉల్లంఘన కిందకు వస్తుందని రాష్ట్ర ఎన్నికల ప్రధాని అధికారి ముకేష్ కుమార్ మీనాకు కూడా ఫిర్యాదులు అందాయి. దానిపై చర్యలు తీసుకునే అవకాశముందని తెలుస్తోంది.
