సినిమా లవర్స్ డే సందర్భంగా మల్టీప్లెక్స్ అసోసియేషన్ ఆఫ్ ఇండియా సినీ ప్రియులకు బంపర్ ఆఫర్ ప్రకటించింది. ఈ నెల 31న దేశవ్యాప్తంగా ఏ భాష సినిమా అయినా, ఏ షో అయినా రూ. 99 టికెట్ కే చూడొచ్చు.
పీవీఆర్, ఐనాక్స్, సినీపోలిస్ సహా దేశంలోని వేలకుపైగా ఉన్న స్క్రీన్లలో ఇదే టికెట్ ధర ఉంటుంది. ప్రేక్షకులను మళ్లీ థియేటర్లకు ఆకర్షించేందుకు గాను ఈ నిర్ణయం తీసుకుంది.
దేశవ్యాప్తంగా జరుగుతున్న ఎన్నికలకు తోడు ఐపీఎల్ కారణంగా థియేటర్లు వెలవెలబోతున్నాయి. ఏ పెద్ద హీరో సినిమా కూడా విడుదల కాలేదు. చిన్న సినిమాలను థియేటర్ కు వచ్చి చూసేందుకు జనం ఆసక్తి చూపడం లేదు.
.
బుక్ మై షో, పేటీఎం, అమెజాన్ పే ద్వారా టికెట్ బుక్ చేసుకుంటే రూ. 99తోపాటు జీఎస్టీ, కన్వీనియన్స్ ఫీజు అదనంగా చెల్లించాల్సి ఉంటుంది.
థియేటర్ లోని కౌంటర్ లో టికెట్ కొంటే మాత్రం జీఎస్టీ, ఇతర చార్జీలు చెల్లించాల్సిన అవసరం లేదు. ఐమ్యాక్స్, రిక్లైనర్ సీట్లకు మాత్రం రూ. 99 టికెట్ ధర వర్తించదని స్పష్టం చేశారు.
గ్యాంగ్స్ ఆఫ్ గోదావరి, మిస్టర్ అండ్ మిసెస్ మహి, ఛోటా భీమ్ అండ్ ద కర్స్ ఆఫ్ డమ్ యాన్, హైక్యూ ద డంప్ స్టర్ బ్యాటిల్ లాంటి సినిమాలు ఈ నెల 31న విడుదల కానున్నాయి.
