ఆప్ మంత్రి , ఆమ్ ఆద్మీ పార్టీ నేత అతిశీకి రౌస్ అవెన్యూ కోర్టు సమన్లు జారీ చేసింది. జూన్ 29న తమ ఎదుట హాజరు కావాలని ఆదేశించింది.తమ పార్టీ ఎమ్మెల్యేలను లాక్కోవడానికి బీజేపీ ఒక్కొక్కరికీ రూ.25 కోట్లు ఆఫర్ చేసిందని ఇటీవల అతిశీ ఆరోపించారు.
ఆప్ ప్రభుత్వాన్ని పడగొట్టేందుకు ఏడుగురు ఎమ్మెల్యేలను కొనుగోలు చేసేందుకు బీజేపీ ప్రయత్నించిందని అంతకుముందు దిల్లీ ముఖ్యమంత్రి కేజ్రీవాల్ కూడా ఆరోపించారు.దీనిపై ఆధారాలు ఇవ్వాలని దిల్లీ పోలీసులు కూడా నోటీసులు జారీ చేశారు. బీజేపీ నేత ప్రవీణ్ శంకర్ కపూర్ పరువు నష్టం దావా వేశారు.
పార్టీ మారాలంటూ బీజేపీ తనకు కూడా ఆఫర్ చేసిందని ఆరోపించిన అతిశీ సన్నిహితుల ద్వారా తనను సంప్రదించిందన్నారు. బీజేపీలో చేరితే రాజకీయ భవిష్యత్తు బాగుంటుందని చెప్పారన్నారు. బీజేపీలో చేరకపోతే కేసులు ఎదుర్కోవాల్సి వస్తుందని బెదిరించారని అన్నారు. ఈ వ్యాఖ్యలను ఖండించిన బీజేపీ పరువునష్టం దావా వేసింది. తమపై నిరాధార ఆరోపణలు క్షమాపణలు చెప్పాలని డిమాండ్ చేసింది.
