ప్రధాన నగరాల్లో బాంబు బెదిరింపులు పెరిగిపోతున్నాయి. తాజాగా ఇండిగో విమానానికి బాంబు బెదిరింపులు వచ్చాయి. ఢిల్లీ నుంచి వారణాసి బయలు దేరడానికి సిద్దమైన ఇండిగో విమానానికి బాంబు బెదిరింపులు వచ్చాయి. ఢిల్లీ అంతర్జాతీయ విమానాశ్రయం నుంచి టేకాఫ్ అయ్యే సమయంలో బాత్‌రూంలో ఓ కాగితంపై బాంబు అని రాసి ఉండటాన్ని సిబ్బంది గుర్తించారు. వెంటనే ప్రయాణీకులను అత్యవసర ద్వారం నుంచి కిందకు వదిలారు.
గడచిన నెల రోజుల్లో బాంబు బెదిరింపు కాల్స్ పెరిగిపోతున్నాయి. ఢిల్లీ, బెంగళూరుల్లో ఇలాంటి కాల్స్ వచ్చాయి. బాంబు బెదిరింపు కాల్స్ ఉత్తుత్తివేనని తేలడంతో జనం ఊపిరి పీల్చుకున్నారు. బెంగళూరు రామేశ్వరం కేఫ్‌లో బాంబు పేలడంతో అధికారులు ఇలాంటి కాల్స్‌ను సీరియస్‌గా తీసుకుని క్షుణ్ణంగా తనిఖీలు నిర్వహిస్తున్నారు.
