ఒలింపిక్ పతక విజేత పివి.సింధు మలేషియా మాస్టర్స్ టైటిల్ పోరులో ఫైనల్స్‌కు చేరింది. ఐదో సీడ్ ప్లేయర్ సింధు, 20వ స్థానంలో ఉన్న బుసానన్‌పై 13-21, 21-16, 21- 12తో నెగ్గింది. మలేషియా రాజధాని కౌలాలంపూర్‌లో జరిగిన ఈ మ్యాచ్ 88 నిమిషాలపాటు కొనసాగింది.
2022లో సింధు సింగపూర్ ఓపెన్ గెలుచుకుంది. గత ఏడాది మాడ్రిడ్ స్పెయిన్ మాస్టర్స్ రన్నరప్‌గా నిలిచింది. 2019 హాంకాంగ్ ఓపెన్‌లో బుసానన్‌పై విజయం సాధించి 18వ టైటిల్ గెలుచుకుంది.
గత ఏడాది ఆర్కిటిక్ ఓపెన్‌లో సింధ్ వాంగల్ చేతిలో ఓటమిపాలైంది. ఒలింపిక్స్‌లో ఒకసారి కాంస్య, మరోసారి రజత పతకం సాధించిన సింధు కొంత కాలం మోకాలి గాయంతో ఆటకు దూరమైంది. రెండేళ్లుగా అనేక టైటిల్స్ కోసం చేసిన పోరాటం ఫలించలేదు. మలేషియా మాస్టర్స్ టైటిల్ ఫైనల్స్ చేరడంతో మరోసారి సింధు ఆశలు రేకెత్తిస్తోంది.
