లోయలో పడిన కారు… ఐదుగురు మృతి

ఉత్తరాఖండ్‌ లో ఘోరం జరిగింది. ముస్సోరి – డెహ్రాడూన్‌ మార్గంలో ఓ కారు అదుపు తప్పి లోతైన లోయలోకి పడిపోయింది. ఈ విషాద ఘటనలో ఐదుగురు విద్యార్థులు ప్రాణాలు కోల్పోయారు.

పోలీసులు తెలిపిన వివరాల ప్రకారం.. డెహ్రాడూన్‌ ఐఎంఎస్‌ కాలేజీకి చెందిన నలుగురు విద్యార్థులు, ఇద్దరు విద్యార్థినులు విహార యాత్ర నిమిత్తం ముస్సోరి వెళ్లారు.వీరు ప్రయాణిస్తున్న కారు అదుపు తప్పి లోయలో పడిపోయింది. దీంతో ఐదుగురు విద్యార్థులు అక్కడికక్కడే ప్రాణాలు కోల్పోయారు. నాన్సీ అనే యువతి తీవ్రంగా గాయపడి ఆస్పత్రిలో చికిత్స పొందుతునట్లు ఎస్పీ ప్రమోద్‌ కుమార్‌ తెలిపారు. ఘటనపై కేసు నమోదు చేసి దర్యాప్తు చేస్తున్నట్లు వెల్లడించారు.