రెండు హెలికాఫ్టర్లు ఢీ : 10 మంది సైనికులు మృతి

మలేషియాలో ఘోర ప్రమాదం జరిగింది. నావికాదళానికి చెందిన రెండు హెలికాఫ్టర్లు గగనతలంలో ఢీ కొన్నాయి. ఈ ప్రమాదంలో 10 మంది సైనికులు ప్రాణాలు కోల్పోయారు. సైనిక విన్యాసాలు చేస్తుండగా ఈ ప్రమాదం చోటు చేసుకుందని అధికారులు వెల్లడించారు. శుక్రవారం నేవీ డే సందర్బంగా నిర్వహించిన విన్యాసాల్లో ఈ ఘటన చోటు చేసుకుంది.

సైనికుల శిక్షణ విన్యాసాల్లో భాగంగా పడుంగ్ సితియాథాన్ నుంచి బయలు దేరిన రెండు హెలికాఫ్టర్లు కొద్ది నిమిషాలకే ఢీకొని కుప్పకూలాయి. సైనిక విన్యాసాలు జరుగుతోన్న సమీపంలోని స్టేడియంలో హెలికాఫ్టర్లు కూలిపోయాయి.పది మంది సైనికులు అక్కడికక్కడే చనిపోయారు. వీరిలో ఇద్దరు లెప్ట్‌నెంట్ కమాండర్లు కూడా ఉన్నారు. ప్రమాదం జరుగుతోన్న వీడియోలు సోషల్ మీడియాలో వైరల్‌గా మారాయి.