పెత్తందార్లు,
పేదల మధ్య జరుగుతున్న యుద్ధంలో వైసీపీకి ప్రజలంతా అండగా నిలవాలని వైసీపీ అధినేత,
సీఎం జగన్ కోరారు. వైసీపీ హయాంలో ఇంటింటికి జరిగిన మంచిని కొనసాగించేందుకు మళ్ళీ
వైసీపీని గెలిపించాలని కోరారు.
ఎన్నికల
ప్రచారంలో భాగంగా సీఎం జగన్ చేపట్టిన ‘మేమంతా సిద్ధం’ బస్సు యాత్ర 19వ రోజు అనకాపల్లి జిల్లాలో
కొనసాగుతోంది.
చింతపాలెం వద్ద జరిగిన బహిరంగ సభలో మాట్లాడిన సీఎం జగన్, సిద్ధం
సభలు చూసి ప్రత్యర్థుల గుండెల్లో రైళ్ళు, బస్సులు
పరిగెడుతున్నాయన్నారు.
ఉక్రోశం, కడుపు మంటతో చంద్రబాబు తన పై రాళ్ళు
విసరమంటున్నాడని దుయ్యబట్టిన జగన్, ఇది చంద్రబాబు, దత్తపుత్రుడు వాళ్ల వదినమ్మల ఎజెండా అన్నారు.
రాష్ట్రాన్ని
దోచుకోవడానికి, దోచుకున్నది దాచుకోవడానికే విపక్ష
కూటమికి అధికారం కావాలన్నారు. టీడీపీ అధినేత చంద్రబాబు తనను బచ్చా అని
విమర్శించడాన్ని ప్రస్తావించారు. విలన్లకు హీరోలు బచ్చాల్లాగే కనిపిస్తారని చురకలు
అంటించారు.
