తుపాకీతో కాల్చుకుని ఎస్పీఎఫ్ కానిస్టేబుల్ ఆత్మహత్య

విశాఖలో ఘోరం జరిగింది. ఐవోబీ బ్యాంకులో విధులు నిర్వహిస్తోన్న ఎస్పీఎఫ్ కానిస్టేబుల్ శంకర్రావు తుపాకీతో కాల్చుకుని ఆత్మహత్యకు పాల్పడ్డాడు. ఉదయం 5 గంటలకు విధుల్లోకి వచ్చిన శంకర్రావు, వెంట తెచ్చుకున్న తుపాకీతో తలపై కాల్చుకుని చనిపోయాడు. శంకర్రావుకు భార్య, ఇద్దరు పిల్లలున్నారు. ఘటనా స్థలానికి చేరుకున్న పోలీసులు దర్యాప్తు ప్రారంభించారు.

ఎస్పీఎఫ్ కానిస్టేబుల్ శంకర్రావు ఆత్మహత్యకు కారణాలు తెలియాల్సి ఉంది. పోలీసులు కేసు నమోదు చేసుకుని విచారణ ప్రారంభించారు. శంకర్రావు ఆత్మహత్యకు కుటుంబ కలహాలు కారణమై ఉండొచ్చని తెలుస్తోంది.