టాటా ఏస్  వాహనాన్ని లారీ ఢీకొనడంతో ముగ్గురు మృతి

పెందుర్తిలో
విషాదం చోటుచేసుకుంది. ప్రయాణీకులతో వెళుతున్న టాటా ఏస్ీ వాహనాన్ని లారీ ఢీకొట్టిన
ఘటనలో ముగ్గురు ప్రాణాలొదిలారు. మరో పదిమంది తీవ్రంగా గాయపడ్డారు. పెందుర్తి
పరిధిలోని అంకిరెడ్డిపాలెం సమీపంలో ఈ ప్రమాదం జరిగింది. మృతులంతా పశ్చిమగోదావరి
జిల్లా కొవ్వూరుకు  చెందినవారిగా తేలింది. 

హనుమంతు ఆనందరావు(45), హనుమంతు శేఖరరావు( 15),
చింతాడి ఇందు( 65) మృతి చెందినట్లు అధికారులు తెలిపారు. తీవ్రంగా గాయపడి
రక్తమోడుతున్న మరో పదిమందిని చికిత్స నిమిత్తం కేజీహెచ్ కు తరలించారు.
సమాచారం
అందుకున్న వెంటనే ప్రమాద స్థలికి చేరుకున్న పెందుర్తి పోలీసులు, సహాయ చర్యలు
చేపట్టారు.  కేసు నమోదు చేయడంతో పాటు ప్రమాద
కారణాలపై ఆరా తీస్తున్నారు. పూర్తి వివరాలు ఇంకా వెల్లడి కావాల్సి ఉంది.