భారీ వంతెనను ఢీకొట్టిన ఓడ

ఇటీవల భారీ ఓడలు వంతెనలను ఢీ కొట్టిన ఘటనలు రెండు జరిగాయి. వాటిని మరవక ముందే అమెరికాలో మరో ఘటన చోటు చేసుకుంది. శనివారం ఓక్లహామా‌లోని ఆర్కన్సాస్ నదిపై ఓ భారీ వంతెనను ఓ ఓడ ఢీ కొట్టింది. హైవే సిబ్బంది వెంటనే అప్రమత్తం కావడంతో పెను ప్రమాదం తప్పింది. ఓడ ఢీ కొనడంతో బార్జ్ వంతెన దెబ్బతింది. అయితే ఈ ప్రమాదంలో ఎవరూ గాయపడలేదు.

కొద్ది రోజుల కిందటే అమెరికాలో బాల్టిమోర్‌లో సరకు రవాణా నౌక వంతెనను ఢీ కొట్టింది. ఈ ఘటనలో దాదాపు ఆరుగురు చనిపోయారు. వంతనపైనున్న కార్లు నదిలో పడిపోవడంతో ఆరుమంది మరణించారు. కరెంటు సరఫరాలో అంతరాయం వల్లే నౌక నియంత్రణ కోల్పోయినట్లు ప్రకటించారు. నౌకలో ఉన్న సిబ్బంది మొత్తం భారతీయులే. వెంటనే నౌకను అదుపులోకి తీసుకురావడంతో పెను ప్రమాదం తప్పింది.