ప్రముఖతమిళ
నటుడు డేనియల్ బాలాజీ(48) కన్నుమూశారు. డేనియల్ బాలాజీకి శుక్రవారం ఛాతిలో నొప్పి
రావడంతో వెంటనే చెన్నైలోని కొట్టివాకత్ ఆసుపత్రిలో చేర్చారు. చికిత్స పొందుతూ కన్నుమూశారు. అంత్యక్రియల
నిమిత్తం ఆయన భౌతికకాయాన్ని పురసైవాల్కంలోని ఆయన నివాసానికి తరలించారు. తమిళంతో
పాటు మలయాళం, తెలుగు, కన్నడ చిత్రాలలో
డేనియల్
బాలాజీ నటించారు.
వెట్టయాడు వలయాయడు, వడ చెన్నై, మాయవన్ చిత్రాల్లో నటించి
మెప్పించారు.
మలయాళంలో
తొలిసారి బ్లాక్ అనే చిత్రంలో నటించిన డేనియల్ ఆ తర్వాత మోహన్‌లాల్ నటించిన భగవాన్
, మమ్ముట్టి నటించిన డాడీ కూల్ చిత్రాల్లో నటించి పేరు తెచ్చుకున్నారు.
విలన్
పాత్రల్లోనూ అద్భుతమైన నటనతో ఆకట్టుకున్నారు.
రాధిక శరత్‌కుమార్ ‘ఛిత్తీ’ టీవీ సీరియల్‌లో డానియెల్ పాత్రలో నటించడం
ద్వారా ఆయన డేనియల్ బాలాజీగా పేరుగడించారు.
