ప్రచారఅంకంలో వైసీపీ అధినేత జగన్ : ప్రొద్దుటూరులో ‘మేమంతా సిద్ధం ’

ఎన్నికల ప్రచారం అంకంలో వైసీపీ అధినేత,
సీఎం జగన్ బిజీబిజీగా గడుపుతున్నారు. ‘మేమంతా సిద్ధం బస్సు యాత్ర’ను ప్రారంభించిన
జగన్, నేడు ప్రొద్దుటూరు సభలో ప్రసంగించనున్నారు. ఇడుపులపాయలో దివంగత సీఎం వైఎస్
సమాధిని దర్శించి ప్రార్థనలు చేసిన అనంతరం కడప పార్లమెంటు పరిధిలో ఆయన
పర్యటించారు. దారి పొడువునా ప్రజలకు అభివాదం చేసిన వైఎస్ జగన్, ప్రజల నుంచి విజ్ఞప్తి
పత్రాలను స్వీకరించారు.

నేటి బస్సు యాత్ర, పులివెందుల,
కమలాపురం, జమ్మలమడుగు, ప్రొద్దుటూరు నియోజకవర్గాల గుండా సాగింది.
నంద్యాల, కర్నూల్ జిల్లాల్లో రేపు పర్యటన కొనసాగనుంది.
ఉదయం 9 గంటలకు ఆళ్ళగడ్డ నుంచి బయలుదేరనున్న జగన్, సాయంత్రం నంద్యాల బహిరంగ సభలో
ప్రసంగిస్తారు. అనంతరం నాగలపురంలో బస చేస్తారు.