బాలీవుడ్ గాయని అనురాధ పౌడ్వాల్ బీజేపీలో చేరారు. శనివారం డిల్లీలోని బీజేపీ ప్రధాన కార్యాలయంలో ఆమె పార్టీ కండువా కప్పుకున్నారు. సనాతన ధర్మంతో అనుబంధం ఉన్న పార్టీలో చేరడం సంతోషంగా ఉందన్నారు. ఎన్నికల్లో పోటీ చేసే ఆలోచన తనకు లేదని చెప్పారు.
1973లో చిన్న వయసులోనే అభిమాన్ చిత్రంలో పాటలుపాడి అందరినీ ఆకర్షించిన అనురాధ పౌడ్వాల్ తరవాత వెనుతిరిగి చూసుకోలేదు. దిల్ హై కీ మంతనహీ, బేటా, ఆషికీ చిత్రాలకు అనురాధ ఫిల్మ్‌ఫేర్ అవార్డులు అందుకున్నారు. ఆమె దాదాపు ఐదు దశాబ్దాలపాటు 9 వేలకుపైగా పాటలు పాడారు.2016 నుంచి ఆమె స్వచ్ఛంధ సంస్థ స్థాపించి పేదలకు వైద్యం అందిస్తున్నారు.
