కేంద్రం కఠిన చర్యలు తీసుకుంటున్నా డీప్‌ఫేక్ ముఠాల అరాచకాలకు అడ్డుకట్టపడటం లేదు. తాజాగా ఉత్తరప్రదేశ్ సీఎం యోగి ఆదిత్యనాథ్ డీప్‌ఫేక్ వీడియో వైరల్‌గా మారింది. షుగర్ మందులకు యోగి ప్రచారం చేస్తున్నట్లు డీప్‌ఫేక్ వీడియో తయారు చేసి వైరల్ చేశారు.షుగర్ జబ్బు బాధితులు ఈ మందులు వాడాలంటూ యోగి ప్రచారం చేస్తున్నట్లు వీడియోను డీప్‌ఫేక్ చేశారు.
యూపీ సీఎం యోగిపై డీప్‌ఫేక్ వీడియో వైరల్ కావడంపై ఆ రాష్ట్ర పోలీసులు అప్రమత్తం అయ్యారు. హజ్రత్‌గంజ్ సీఐ ఫిర్యాదు మేరకు, సైబర్ క్రైం పోలీసులు కేసు నమోదు చేశారు. సినీ నటీమణులతో మొదలైన డీప్‌ఫేక్ వైరస్, ఇప్పుడు రాజకీయ నాయకులకు కూడా చుట్టుకుంటోంది. ఇటీవల ప్రముఖ క్రికెటర్ విరాట్ కోహ్లీ, మాజీ క్రికెటర్ సచిన్ టెండూల్కర్ డీప్‌ఫేక్ వీడియోలు కూడా వైరల్‌గా మారాయి.
