Jeff Bezos replaces Elon Musk as World’s richest person
టెస్లా అధినేత ఎలాన్ మస్క్ ప్రపంచంలోనే
అత్యంత ధనవంతుల జాబితాలో అగ్రస్థానాన్ని కోల్పోయారు. ఆయన స్థానాన్ని అమెజాన్ సంస్థ వ్యవస్థాపకుడు జెఫ్ బెజోస్ భర్తీ చేసారు.
టెస్లా కంపెనీ షేర్ల విలువ సోమవారం
నాడు 7.2% పడిపోవడంతో, బ్లూంబెర్గ్ బిలియనీర్స్ ఇండెక్స్‌లో మస్క్ తన అగ్రస్థానాన్ని
కోల్పోయారు. ప్రస్తుతం ఆయన సంపద 197.7 బిలియన్ డాలర్స్ ఉండగా, 200.3 బిలియన్ డాలర్ల సంపదతో జెఫ్ బెజోస్. మస్క్‌ను అధిగమించేసారు.
2021 తర్వాత బ్లూంబెర్గ్ సంపన్నుల
జాబితాలో అగ్రస్థానంలో నిలవడం బెజోస్‌కు ఇదే తొలిసారి. ఒకప్పుడు ఇద్దరి సంపదల మధ్య
అంతరం 142 బిలియన్ డాలర్లు ఉండేది. ఇప్పుడా తేడా బాగా తగ్గుతూ వస్తోంది.
షాంఘైలోని టెస్లా కర్మాగారం నుంచి
ఎగుమతులు ఏడాదిలో కనిష్ఠ స్థాయికి పడిపోయాయన్న గణాంకాలతో టెస్లా
షేర్లు భారీగా పతనమయ్యాయి.
మరోవైపు కరోనా ప్రారంభం నుంచీ అమెజాన్
సంస్థ తన ఆన్‌లైన్ అమ్మకాల్లో గణనీయమైన అభివృద్ధి సాధిస్తూ వస్తోంది. బెజోస్
గతంలో 2017లో మైక్రోసాఫ్ట్ సహ వ్యవస్థాపకుడు
బిల్ గేట్స్‌ను వెనక్కి నెట్టి ప్రపంచంలోనే అత్యంత ధనవంతుడిగా నిలిచాడు.
