తిరుమల శ్రీ
వేంకటేశ్వరస్వామి ఆర్జిత సేవా టికెట్ల మే నెల కోటాను టీటీడీ రేపు(ఫిబ్రవరి19)న
విడుదల చేయనుంది. ఉదయం 10 గంటలకు ఆన్‌లైన్‌లో
విడుదల చేస్తారు. సేవాటికెట్ల ఎలక్ట్రానిక్ డిప్ కోసం ఫిబ్రవరి 21
ఉదయం 10 గంటల వరకు ఆన్‌లైన్‌లో నమోదు చేసుకునేందుకు అవకాశం కల్పించారు. అదేరోజు
మధ్యాహ్నం లక్కీడిప్ లో టికెట్లు మంజూరు
చేస్తారు.
కల్యాణోత్సవం,
ఊంజల్ సేవ, ఆర్జిత బ్రహ్మోత్సవం, సహస్రదీపాలంకార
సేవాటికెట్ల కోటాను ఫిబ్రవరి 22న ఉదయం 10 గంటలకు
విడుదల చేయనున్నారు.
వర్చువల్
సేవలు, వాటి దర్శన స్లాట్లకు సంబంధించిన మే నెల కోటాను కూడా ఫిబ్రవరి 22న
మధ్యాహ్నం 3 గంటలకు విడుదల చేస్తున్నట్లు తిరుమల తిరుపతి దేవస్థానం ఓ
ప్రకటనలో తెలిపింది.
శ్రీవాణి ట్రస్టు
టికెట్ల కోటా ఫిబ్రవరి 23న ఉదయం 11 గంటలకు విడుదల కానుంది.
అంగప్రదక్షిణం టోకెన్ల కోటాను ఫిబ్రవరి 23న
ఉదయం 10 గంటలకు వృద్ధులు, దివ్యాంగులు,
దీర్ఘ‌కాలిక వ్యాధిగ్రస్తులకు ఉచిత, ప్రత్యేక దర్శన టికెట్ల
కోటాను మధ్యాహ్నం 3 గంటలకు విడుదల చేస్తారు.
తిరుమల, తిరుపతిలో మే నెల గదుల కోటాను ఫిబ్రవరి 24న
మధ్యాహ్నం 3 గంటలకు విడుదల చేస్తారు.
ఫిబ్రవరి 27న ఉదయం 11 గంటలకు శ్రీవారి సేవ, మధ్యాహ్నం
న‌వ‌నీత సేవ,
ప‌ర‌కామ‌ణి సేవ కోటాను విడుదల చేయనున్నారు.
