భార్యను చంపి, తల నరికి, వీధిలో తిరిగిన వ్యక్తి అరెస్ట్

Man who beheaded wife and roamed in streets with her head, arrested

ఉత్తరప్రదేశ్‌లోని బారాబంకీలో దారుణం జరిగింది.
ఒక వ్యక్తి తన భార్యను హతమార్చి, ఆమె తల కొడవలితో నరికి, ఒకచేత్తో ఆ తలను
మరోచేత్తో కొడవలినీ పట్టుకుని వీధుల్లో తిరిగిన సంఘటన చోటు చేసుకుంది. ఆ వ్యక్తిని
అరెస్టు చేసినట్లు పోలీసులు వెల్లడించారు.

అనిల్ కుమార్ అనే వ్యక్తి బస్రా గ్రామంలో
నివసించేవాడు. అతనికి ఎనిమిది ఏళ్ళ క్రితం పెళ్ళయింది. ఆమెకు వివాహేతర సంబంధం
ఉందేమోనని అనిల్ అనుమానించేవాడు. శుక్రవారం ఆమెను చంపేసాడు. కొడవలితో భార్య తల
నరికేసాడు. ఒకచేత్తో ఆ తలను, మరోచేత్తో కొడవలినీ పట్టుకుని గ్రామవీధుల్లో
తిరిగాడు. అతని చేతిలో భార్య తల ఉండడాన్ని గ్రామస్తులు చూసారు. అలా తిరుగుతుండగా
కొందరు గ్రామస్తులు వీడియో తీసారు. ఆ వీడియో సోషల్ మీడియాలో వైరల్ అయింది.  

సమాచారం అందుకున్న ఫతేపూర్
పోలీసులు ఘటనా స్థలానికి చేరుకున్నారు. నిందితుణ్ణి అదుపులోకి తీసుకున్నారు. నిందితుణ్ణి
అరెస్ట్ చేసినట్లు బారాబంకీ ఎస్పీ దినేష్ కుమార్ సింగ్ ధ్రువీకరించారు.
‘‘నిందితుడు అనిల్ కుమార్‌ను అరెస్ట్ చేసాం. మహిళ శవాన్ని స్వాధీనం చేసుకున్నాం.
పోస్ట్‌మార్టం కోసం పంపించాము. వారికి పెళ్ళయి ఎనిమిదేళ్ళు అయింది. ఇద్దరు పిల్లలు
కూడా ఉన్నారు. ఈ కేసు విషయంలో దర్యాప్తు జరుగుతోంది’’ అని చెప్పారు.