అనారోగ్యంతో యువ నటి, మోడల్ పూనమ్ పాండే మృతి

బాలీవుడ్
నటి, మోడల్ పూనమ్ పాండే(32) మృతి చెందారు. గర్భాశయ కేన్సర్ కారణంగా ఆమె ప్రాణాలు కోల్పోయినట్లు,
పూనమ్ పీఆర్ టీమ్ సోషల్ మీడియా వేదికగా వెల్లడించింది.
‘‘పూనమ్
ను కోల్పాయాం, సర్వైకల్ కేన్సర్ కు చికిత్స తీసుకుంటూ మరణించింది. ఆమె ప్రేమను
ఎప్పటికీ గుర్తు చేసుకుంటామని’’ పేర్కొన్నారు.

ఉత్తర ప్రదేశ్ లోని ఆమె నివాసంలోనే తుదిశ్వాస
విడిచినట్లు నేషనల్ మీడియా పేర్కొంది.
ఇంటర్మీడియట్
తర్వత మోడలింగ్ రంగంలోకి అడుగుపెట్టిన పూనమ్, 2011లో క్రికెట్ వరల్డ్ కప్ ముందు ఓ
వీడియో సందేశం విడుదల చేసి వివాదస్పదమైంది. .

ఆ తర్వాత బాలీవుడ్ లో అడుగుపెట్టిన పూనమ్, 2013లో
నషా అనే చిత్రంలో నటించింది. తెలుగులో ‘మాలిని అండ్ కో’లో యాక్ట్ చేసింది. కన్నడ సినిమాల్లో
కూడా నటించిన పూనమ్, ఒకానొక సమయంలో శృంగార తారగా యువతను అలరించింది.

పూనమ్ మృతితో
ఆమె అభిమానులు షాక్ కు గురయ్యారు.  
పూనమ్
వైవాహిక జీవితం కూడా వివాదాస్పదమైంది. తన భాగస్వామి, శారీరకంగా వేధిస్తున్నాడని  పోలీసులకు ఫిర్యాదు చేయడంతో పాటు విడాకులు
తీసుకుంది.