బీఆర్ఎస్ అధినేత, తెలంగాణ మాజీ
ముఖ్యమంత్రి కె. చంద్రశేఖరరావు, నేడు ఎమ్మెల్యేగా ప్రమాణస్వీకారం చేశారు.
కేసీఆర్ చేత ఎమ్మెల్యేగా స్పీకర్ ప్రమాణస్వీకారం చేయించారు. కేసీఆర్ అసెంబ్లీకి
వచ్చిన సమయంలో బీఆర్ఎస్ ఎమ్మెల్యేలు ఆయనకు స్వాగతం పలికారు.
ఇటీవల సీఎం రేవంత్ రెడ్డిని కలిసిన
ఎమ్మెల్యేలలో కొత్త ప్రభాకర్ రెడ్డి, ప్రకాశ్ గౌడ్ మాత్రం
ఈ కార్యక్రమంలో పాల్గొనలేదు. తుంటి ఎముక
ఆపరేషన్ తర్వాత కోలుకున్న కేసీఆర్ చేతికర్ర ఆధారంగా నడుస్తున్నారు.
నవంబర్ లో జరిగిన అసెంబ్లీ ఎన్నికల్లో
గజ్వేల్ స్థానం నుంచి కేసీఆర్ ఎమ్మెల్యేగా ఎన్నికయ్యారు.
డిసెంబర్ లో జరిగిన కొత్త
ఎమ్మెల్యేల ప్రమాణస్వీకార సమయంలో ఆయనకు తుంటి ఆపరేషన్ జరిగింది. దీంతో అప్పుడు
ప్రమాణస్వీకారం చేయడం వీలు కాలేదు.
ప్రస్తుతం కోలుకోవడంతో ఆయన నేరుగా అసెంబ్లీకి
వచ్చి ఎమ్మెల్యేగా ప్రమాణం చేశారు. తర్వాత ప్రతిపక్ష నేత కార్యాలయంలో పూజలు
నిర్వహించారు.
