లేడీస్ హాస్టల్ : విద్యార్థిని అనుమానాస్పద మృతి

ఎన్టీఆర్ జిల్లా మైలవరం మండలంలోని ఓ ప్రైవేటు ఇంజనీరింగ్ కాలేజీ హాస్టల్‌లో ఓ విద్యార్థిని అనుమానాస్పదంగా మృతి చెందడం కలకలం రేపింది. ఉదయం హాస్టళ్లో విద్యార్థిని ఉరి వేసుకుని కనిపించింది. తోటి విద్యార్థులు వార్డెన్‌కు సమాచారం అందించారు. విద్యార్థిని మరణంపై ఆమె తల్లిదండ్రులు అనుమానాలు వ్యక్తం చేస్తున్నారు.

తల్లిదండ్రులకంటే ముందేగానే ఘటనా స్థలానికి చేరుకున్న పోలీసులు, వెంటనే మృతదేహాన్ని ప్రభుత్వ ఆసుపత్రికి తరలించే ప్రయత్నం చేశారు. తమ కుమార్తె మృతికి కారణాలు తెలపాలంటూ ఆమె తల్లిదండ్రులు డిమాండ్ చేస్తున్నారు. శుక్రవారం అర్థరాత్రి వరకు విద్యార్థిని సోదరుడితో ఫోన్లో మాట్లాడిందని గుర్తించారు. ఘటనకు కారణాలు మాత్రం తెలియాల్సి ఉంది. కేసు నమోదు చేసి దర్యాప్తు చేస్తున్నట్లు పోలీసు అధికారులు తెలిపారు.