జంగారెడ్డిగూడెంలో తీవ్ర విషాదం చోటుచేసుకుంది. విషపూరిత పానీపూరీ తిని ఇద్దరు చిన్నారులు ప్రాణాలు కోల్పోయారు. ఈ ఘటన ఏలూరు జిల్లా జంగారెడ్డిగూడెంలో విషాదం (crime news) నింపింది. పోలీసుల కథనం ప్రకారం..
జంగారెడ్డిగూడేనికి చెందిన బేలిపాటి రవి, చినజమ్మక్క దంపతులు ప్లాస్టిక్ సామాగ్రి విక్రయిస్తూ జీవినం సాగిస్తున్నారు. వారి కుమారులు రామకృష్ణ, విజయ్ బుధవారం సాయంత్రం ఏలూరు రోడ్డులో పానీపూరీ తిన్నారు. అర్థరాత్రి వారికి తీవ్ర కడుపునొప్పి రావడంతో తల్లిదండ్రులు వెంటనే సమీపంలోని ఆసుపత్రికి తీసుకెళ్లారు. వారు పెద్దాసుపత్రికి తీసుకెళ్లాలని చెప్పడంతో రాజమండ్రి తరలిస్తుండగా దారిలోనే చనిపోయారని పోలీసులు తెలిపారు. చిన్నారుల మృతదేహాలను జంగారెడ్డిగూడెం ప్రభుత్వ ఆసుపత్రికి తరలించారు.
మూడేళ్ల కిందటే ఈ దంపతుల మూడోబిడ్డ చనిపోయాడు. తాజా ఇద్దరు పిల్లలు చనిపోవడంతో వారు కన్నీరుమున్నీరయ్యారు. పోలీసులు కేసు నమోదు చేసి దర్యాప్తు ప్రారంభించారు.
