అయోధ్యలో
రామమందిర నిర్మాణంతో శతాబ్దాల కల నెరవేరిందని, అందుకే నేడు దేశ ప్రజలకు అద్భుతమైన
రోజు అని బీజేపీ రాష్ట్ర అధ్యక్షురాలు పురందరేశ్వరి అన్నారు. నంద్యాల జిల్లా పర్యటనలో భాగంగా శ్రీశైలేశుడు, భ్రమరాంబ
అమ్మవార్లను దర్శించుకుని ప్రత్యేక పూజలు చేశారు.
అయోధ్య రామమందిరంలో బాల రాముడి
విగ్రహ ప్రతిష్ఠ సమయంలో మల్లన్న సన్నిధిలో ఉండటం ఎంతో ఆనందంగా ఉందన్నారు.
ఆదిదంపతులు ఆశీస్సులతో ఆంధ్రప్రదేశ్ చల్లగా ఉండాలని ప్రార్థించినట్లు చెప్పారు.
రామమందిర ప్రాణ ప్రతిష్ఠ కార్యక్రమాన్ని
రాష్ట్రప్రజలంతా లైవ్ లో వీక్షించాలని ఆమె కోరారు. అనంతరం శ్రీశైలంలోని శివాజీ
స్ఫూర్తి కేంద్రాన్ని సందర్శించారు. శివాజీ మహారాజ్ విగ్రహానికి పుష్పాంజలి
అర్పించారు.
శ్రీశైలంలో
అయోధ్య ప్రతిష్ఠ కార్యక్రమాలు వీక్షించేందుకు దేవస్థానం ప్రత్యేక ఎల్ఈడీ స్క్రీన్లు
ఏర్పాటు చేసింది. భక్తులతో కలిసి ప్రాణప్రతిష్ఠ కార్యక్రమాన్ని వీక్షిస్తారు.
పురందరేశ్వరి పర్యటనలో బీజేపీ రాష్ట్ర ప్రధాన కార్యదర్శి బిట్రా శివన్నారాయణ, నంద్యాల జిల్లా అధ్యక్షురాలు బైరెడ్డి
శబరి, మైనారిటీ మోర్చా రాష్ట్ర అధ్యక్షుడు
షేక్ బాజీ పాల్గొన్నారు.
