Tirumala Tirupati Devasthanams
తిరుమల
శ్రీవారి ఆర్జిత సేవలు, దర్శనానికి సంబంధించిన ఏప్రిల్ నెల టికెట్ల కోటాను టీటీడీ
విడుదల చేసింది. ఏప్రిల్‌కు సంబంధించి సుప్రభాతం, తోమాల, అర్చన, అష్టదళ
పాదపద్మారాధన, ఆర్జిత సేవల ఆన్‌లైన్ లక్కీడిప్ కోసం జనవరి 18 ఉదయం10 గంటల నుంచి 20వ
తేదీ ఉదయం 10 గంటల వరకు నమోదు చేసుకోవచ్చు.
లక్కీడీప్‌లో
టికెట్లు పొందిన భక్తులు జనవరి 22 మధ్యాహ్నం 12 గంటల లోపు రుసుము చెల్లించి ఖరారు
చేసుకోవాలి.
కళ్యాణోత్సవం,
ఆర్జిత బ్రహ్మోత్సవం, ఊంజల్ సేవ, సహస్రదీపాలంకార సేవా టికెట్లను జనవరి 22వ తేదీ
ఉదయం 11 గంటలకు విడుదల చేస్తారు. శ్రీవారి వార్షిక వసంతోత్సవానికి సంబంధించిన
టికెట్లను జనవరి 22 ఉదయం 10 గంటలకు విడుదల చేయనున్నట్లు టీటీడీ తెలిపింది.
అంగప్రదక్షిణం
టోకెన్ల కోటాను జనవరి 23వ తేదీ ఉదయం 10 గంటలకు విడుదల చేయనున్నారు. శ్రీవాణి
ట్రస్ట్ బ్రేక్ దర్శనం, గదుల కోటాను జనవరి 23 ఉదయం 11 గంటలకు, అదే రోజు మధ్యాహ్నం
మూడు గంటలకు వృద్దులు, దివ్యాంగులకు దర్శన టోకెన్ల కోటాను విడుదల చేస్తారు.
రూ.
300 టికెట్ల కోటాను జనవరి 24న ఉదయం 10 గంటలకు విడుదల చేస్తామని ప్రకటనలో తెలిపిన టీటీడీ,
వసతి గదుల బుకింగ్ ను కూడా అదే రోజు మధ్యాహ్నం 3 గంటలకు విడుదల చేస్తారు.
పరకామణి
సేవా, నవనీత కోటా, తిరుపతికి చెందిన శ్రీవారి సేవ కోటాకు సంబంధించిన ఏప్రిల్
టికెట్లను జనవరి 27న టీటీడీ విడుదల చేయనుంది.
