గత ఏడాది విడుదలైన చిత్రాలకు గోల్డెన్ గ్లోబ్ అవార్డులు (golden globe awards) ప్రకటించారు. గత ఏడాది విడుదలై అప్పట్లో సంచలనం సృష్టించిన ఓపెన్‌హైమర్‌కు గోల్డెన్ గ్లోబ్ అవార్డుల పంట పండింది. ఆదివారంనాడు అమెరికాలోని కాలిఫోర్నియాలోని బేవర్లీ హిల్స్‌లో అవార్డుల వేడుక పండుగగా జరిగింది. ఓపెన్ హైమర్ ఐదు అవార్డులను కైవసం చేసుకుంది. ఇందులో సిలియన్ మర్ఫీ ప్రధాన పాత్రలో నటించారు.
ఆదివారం ప్రకటించిన గోల్డెన్ గ్లోబ్ అవార్డుల్లో ఓపెన్ హైమర్ ఉత్తమ చిత్రంగా నిలిచింది. ఉత్తమ కామెడీ చిత్రంగా పూర్ థింగ్స్, ఓపెన్ హైమర్ చిత్రానికి ఉత్తమ దర్శకుడుగా క్రిస్టఫర్ నోలన్‌ను గోల్డెడ్ గ్లోబ్ అవార్డులు వరించాయి. ఉత్తమ స్క్రీన్ ప్లే జస్టిన్ సాగ్ ట్రైట్, ఆర్థర్ హరారి,ఓపెన్ హైమర్‌లో నటించిన సిలియన్ మర్ఫీని ఉత్తమ నటుడు అవార్డు వరించింది. ఉత్తమనటిగా లిల్లీ గ్లాడ్ స్టోన్ అవార్డు అందుకున్నారు.
