హైదరాబాద్ పాతబస్తీలో అరాచకం చోటు చేసుకుంది. ఇంట్లో అన్నతో గొడవపడి హైదరాబాద్ బస్టాండ్ చేరుకున్న యువతిని, ఇద్దరు యువకులు నమ్మించి అత్యాచారం చేశారు. పోలీసుల కథనం ప్రకారం. సూర్యాపేటకు చెందిన ఓ యువతి, ఆమె అన్నతో గొడవపడి హైదరాబాద్ చేరుకుంది. అప్పటికే రాత్రి 11 గంటలు కావడంతో ఎటు వెళ్లాలో తోచలేదు.
హైదరాబాద్ ఎంజీబీఎస్ సమీపంలో టీ తాగి నడుచుకుంటూ వెళుతోన్న యువతిని బండ్లగూడకు చెందిన శ్రీకాంత్, కాశీవిశ్వనాథ్ వెంబడించారు. ఎక్కడికి వెళ్లాలని అడిగారు. ఆ యువతి పోలీస్‌స్టేషన్‌కు వెళ్లాలని చెప్పడంతో, మేము కూడా అక్కడికే వెళుతున్నామని మాటలు కలిపారు.బైకుపై ఎక్కించుకుని లేక్‌వ్యూ హిల్స్ సమీపంలో శ్రీకాంత్‌కు చెందిన తుక్కు గిడ్డంగిలోకి తీసుకెళ్లి రేప్ చేశారు. అక్కడ నుంచి యువతిని తీసుకెళుతుండగా ఆమె పెద్దగా కేకలు వేయడంతో దుండగులు పారిపోయారని పోలీసులు తెలిపారు. యువతి ఫిర్యాదు మేరకు పోలీసులు కేసు నమోదు చేశారు. సీసీ టీవీ ఫుటేజీ పరిశీలించి అత్యాచారానికి పాల్పడిన ఇద్దరిని అరెస్ట్ చేసినట్లు పోలీసులు వెల్లడించారు.
