ఎలమంచిలి పోలీస్ స్టేషన్లో దొంగలు పడ్డారు. అవును మీరు చదివింది నిజమే. పోలీస్ స్టేషన్లో దొంగలు పడటం ఏంటి అనే అనుమానం కలగవచ్చు. కాని ఇది నిజం. అనకాపల్లి జిల్లా ఎలమంచిలి రూరల్ పోలీస్ స్టేషన్లో గతంలో స్వాధీనం చేసుకున్న 367 కేజీల గంజాయిని దొంగలు, రెండు దఫాలుగా కాజేశారు. గంజాయిని దొంగిలించిన కేసులో 11 మందిని పోలీసులు అరెస్ట్ (crime news) చేశారు. శుక్రవారం మరో ఆరుగురిని అరెస్ట్ చేశారు.
ఎలమంచిలి మండలం సోమన్నపాలెం సమీపాన 26వ తేదీ, కొందరు గంజాయి వదిలేసి వెళ్లారనే సమాచారం రావడంతో పోలీసులు 367 కేజీలు స్వాధీనం చేసుకున్నారు. దాన్ని స్టేషన్లోని వెనుక గదిలో ఉంచారు. ఇది గమనించిన కొందరు దొంగలు… వెనుక గది కిటికీ గ్రిల్స్ తొలగించి గంజాయి కాజేశారు. నిందితుల నుంచి పోలీసులు గంజాయి స్వాధీనం చేసుకున్నారు. మరో 50 కేజీల గంజాయిని గుర్తించాల్సి ఉంది.
