తెలుగు రాష్ట్రాల్లో రోడ్లు రక్తమోడాయి. ప్రకాశం జిల్లా పెద్దారవీడు వద్ద జరిగిన రోడ్డు ప్రమాదంలో (road accident) నలుగురు ప్రాణాలు కోల్పోయారు. కారు, ఆటో ఢీకొన్న ప్రమాదంలో నలుగురు అక్కడికక్కడే చనిపోయారు. ఈ ఘటన ప్రకాశం జిల్లా పెద్దారవీడు మండలం, దేవరాజుగట్టు వద్ద జాతీయ రహదారిపై జరిగింది. మృతులను మాబు, అభినయ్, వెంకటేశ్వర్లు, నాగేశ్వరావుగా గుర్తించారు. పోలీసులు కేసు నమోదు చేసి దర్యాప్తు చేస్తున్నారు.
తెలంగాణలోని హనుమకొండ జిల్లా ఎల్కతుర్తి మండలం పెంచికల్‌పేట వద్ద ఘోర రోడ్డు ప్రమాదం జరిగింది. లారీ, కారు ఢీ కొనడంతో నలుగురు భక్తులు అక్కడికక్కడే చనిపోయారు. మరో ముగ్గురికి తీవ్ర గాయాలయ్యాయి. ఏటూరునాగారం ప్రాంతానికి చెందిన కొందరు కారులో వేములవాడ రాజన్న దర్శనానికి కారులో వెళుతుండగా ఈ ఘోరం జరిగింది. ప్రమాదంలో కాంతమ్మ, మంతెన శంకర్, మంతెన భరత్, మంతెన చందన చనిపోయారు. పోలీసులు ప్రమాద స్థలికి చేరుకుని పరిశీలించారు.కేసు నమోదు చేసి దర్యాప్తు ప్రారంభిరంచారు.
