అమెరికాలో తీవ్ర కలకలం రేగింది. యూఎస్ అధ్యక్షుడు జో బైడెన్ (joe biden) కాన్వాయ్‌లోని వాహనాన్ని ఓ అంగతకుడు కారుతో ఢీ కొట్టాడు. ఆదివారం రాత్రి డెలావర్‌లో ఈ ఘటన జరిగింది. అమెరికా అధ్యక్షుడు జో బైడెన్, ఆయన సతీమణి జిల్ ఆదివారం రాత్రి డెలావర్‌లో ప్రచారానికి వెళ్లిన సందర్భంలో ఈ ఘటన జరిగింది.
రాత్రి డిన్నర్ ముగించుకుని బైడెన్ దంపతులు కార్యాలయం నుంచి కాన్వాయ్ వద్దకు వస్తుండగా ఈ దారుణం జరిగింది. వేగంగా దూసుకొచ్చిన ఓ కారు సీక్రెట్ సర్వీస్ వాహనాన్ని బలంగా ఢీ కొట్టింది. తరవాత మరో వాహనంపైకి దూసుకెళ్లడం కలకలం రేపింది.
ఘటన జరిగిన సమయంలో జో బైడెన్ వాహనానికి అతి సమీపంలోనే ఉన్నారు. ప్రమాద స్థలానికి బైడెన్ కేవలం 130 అడుగుల దూరంలో ఉన్నారు. అప్రమత్తమైన భద్రతా సిబ్బంది బైడెన్‌ను కార్యాలయంలోకి తీసుకెళ్లారు.దుండగుడిని భద్రతా సిబ్బంది అదుపులోకి తీసుకుంది. అమెరికా అధ్యక్షుడు బైడెన్, ఆయన సతీమని జిల్ క్షేమంగా బయటపడ్డారు.
