ఢిల్లీలో ఘోరం జరిగింది. కేవలం రూ.350 కోసం యువకుడిని, ఓ కిరాతకుడు దారుణంగా పొడిచి చంపాడు. ఉత్తర ఢిల్లీ వెల్‌కమ్ ప్రాంతంలో ఈ అరాచకం చోటు చేసుకుంది. దారిన వెళుతోన్న బాలుడు ఓ యువకుడిపై కత్తితో దాడి (crime news) చేశాడు. అతనికి ఊపిరాడకుండా చేశాడు. అతడు స్పృహ కోల్పోయాడు. ఆ తరవాత 60 సార్లు దారుణంగా పొడిచాడు. అతను చనిపోయిన తరవాత, అతని వద్ద ఉన్న రూ.350 తీసుకున్న బాలుడు, కాసేపు అక్కడ డాన్స్ చేశాడు.హత్య చేసి పైశాచిక ఆనందం పొందాడు. ఇవన్నీ అక్కడ ఉన్న సీసీ కెమెరాలో రికార్డ్ అయ్యాయి.
హత్య విషయం తెలుసుకున్న పోలీసులు ఘటనా స్థలం పరిశీలించారు. కేసు నమోదు చేసి దర్యాప్తు ప్రారంభించారు. కేసు దర్యాప్తులో భాగంగా సీసీ టీవీ ఫుటేజీ పరిశీలించిన పోలీసులు నిందితుడి కోసం గాలిస్తున్నారు. గతంలో వారికి పరిచయం లేదని కేవలం డబ్బు కోసమే హత్య చేసినట్లు పోలీసులు వెల్లడించారు.
