అమరావతి ఇన్నర్ రింగ్‌రోడ్డు కేసులో ( amaravati inner ringroad case )టీడీపీ అధినేత చంద్రబాబు తరపు న్యాయవాదులు వేసిన ముందస్తు బెయిల్ పిటీషన్‌పై ఇవాళ హైకోర్టులో విచారణ జరిగింది. అమరావతి ఇన్నర్‌రింగ్‌రోడ్డు అలైన్మెంట్‌లో అవకతవకలు జరిగాయంటూ సీఐడీ కేసు నమోదు చేసిన సంగతి తెలిసిందే. దీనిపై చంద్రబాబు ముందస్తు బెయిల్ కోసం హైకోర్టును ఆశ్రయించారు.తమకు కొంత సమయం కావాలని సీఐడీ కోరడంతో కేసు విచారణను ధర్మాసనం ఈ నెల 23కి వాయిదా వేసింది.
చంద్రబాబు అరెస్ట్ తరవాత కొందరు వ్యక్తులు హైకోర్టు న్యాయమూర్తులను దూషించారంటూ దాఖలైన పిటిషన్‌పై విచారణ జరిగింది. ప్రతివాదులకు నోటీసులు జారీ చేయాలని హైకోర్టు ఆదేశించింది. తదుపరి విచారణ రెండు వారాలకు వాయిదా పడింది.
