అనారోగ్యంతో
మృతి చెందిన విలక్షణ నటుడు చంద్రమోహన్ అంత్యక్రియలు ముగిశాయి. తీవ్రమైన అనారోగ్య సమస్యలతో
బాధపడుతున్న చంద్రమోహన్, శనివారం నాడు కన్నుమూశారు. అమెరికాలో ఉన్న ఆయన పెద్ద
కుమార్తె రావాల్సి ఉండటంతో అంత్యక్రియలు నేడు నిర్వహించారు.
ఫిల్మ్‌నగర్
లోని చంద్రమోహన్ నివాసం నుంచి అంతిమయాత్ర ప్రారంభం కాగా, కుటుంబసభ్యులు, సినీ
ప్రముఖులు కడసారి వీడ్కోలు పలికారు. పంజాగుట్టలోని శ్మశానవాటికలో అంత్యక్రియలు
చేశారు. చంద్రమోహన్ సోదరుడు మల్లంపల్లి దుర్గా ప్రసాద్ అంతిమ సంస్కారాలు
నిర్వహించారు.
అంతిమయాత్రకు ముందు చంద్రమోహన్ భౌతికకాయానికి పలువురు ప్రముఖులు
నివాళులర్పించారు.
చంద్రమోహన్ కు గతంలో బైపాస్ సర్జరీ
జరిగింది. దాంతో పాటు కిడ్నీ సంబంధ సమస్య కూడా
తలెత్తడంతో. శనివారం నాడు తన నివాసంలో సొమ్మసిల్లి పడిపోయారు. కుటుంబ సభ్యులు ఆసుపత్రికి తరలించగా, అప్పటికే
చనిపోయినట్టు వైద్యులు నిర్ధారించారు.
విలక్షణ నటుడిగా పేరు తెచ్చుకున్న
చంద్రమోహన్, 900కు పైగా తెలుగు, తమిళ చిత్రాల్లో నటించారు.
