దివంగత
నటుడు, సూపర్ స్టార్ కృష్ణ విగ్రహాన్ని దిగ్గజ నటుడు కమల్ హాసన్ ఆవిష్కరించారు.
విజయవాడ గురునానక్ కాలనీలో ఏర్పాటు చేసిన విగ్రహాన్ని వైసీపీ నేత అవినాశ్, కృష్ణ
బంధువులతో కలిసి కమల్ ఆవిష్కరించారు. ఇండియన్-2 సినిమా షూటింగ్ కోసం విజయవాడ వచ్చిన
కమల్‌హాసన్, ఈ కార్యక్రమంలో పాల్గొన్నారు.
తెలుగు ప్రజల అభిమాన నటుడు కృష్ణ
విగ్రహాన్ని విజయవాడలో ఆవిష్కరించడం ఆనందంగా ఉందని అవినాశ్ అన్నారు. కృష్ణ
వారసుడిగా మహేశ్ బాబు సినిమాలతో పాటు సేవారంగంలో ముందున్నారని కొనియాడారు.
షూటింగ్స్‌తో
నిత్యం బిజీగా ఉండే కమల హాసన్ విజయవాడ వచ్చి కృష్ణ విగ్రహాన్ని ఆవిష్కరించినందుకు
కృతజ్ఞతలు తెలిపారు.
కృష్ణ
విగ్రహావిష్కరణలో కమల్‌హాసన్ పాల్గొనడంపై చిత్రపరిశ్రమకు చెందిన పలువురు ప్రముఖులు
హర్షం వ్యక్తం చేశారు.
