విజయవాడలోని పండిట్ నెహ్రూ బస్టాండ్‌లో ఘోరం జరిగింది. ఆర్టీసీ బస్సు ప్రయాణీకులపైకి దూసుకెళ్లింది. ఈ ప్రమాదంలో (bus accident) ముగ్గురు అక్కడికక్కడే చనిపోయారు. మృతుల్లో కండక్టర్‌తోపాటు, ఓ మహిళ, పది నెలల చిన్నారి కూడా ఉన్నారు. మరికొందరు ప్రయాణీకులు గాయాలపాలైనట్లు తెలుస్తోంది. 12వ నంబర్ ఫ్లాట్ ఫాం వద్ద ఈ ప్రమాదం చోటు చేసుకుంది. 11,12 నంబరు ఫ్లాట్ ఫారాలపై ఫర్నిచర్ ధ్వంసమైంది.
విజయవాడ ఆటోనగర్ డిపో నుంచి గుంటూరు వెళ్లాల్సిన బస్సు బ్రేక్ ఫెయిల్ కావడంతో ప్రమాదం జరిగినట్లు తెలుస్తోంది.ఈ ఘటనలో చనిపోయిన కండక్టర్ గుంటూరు-2 డిపోకు చెందిన వీరయ్యగా ప్రకటించారు. ప్రమాద ఘటనపై అధికారులు దర్యాప్తు ప్రారంభించారు.
