తిరుమల
తిరుపతి దేవస్థానం (టీటీడీ) తన అధికారిక వెబ్ సైట్ పేరును మరోసారి మార్చింది. ఇప్పటివరకు
ఈ వెబ్‌సైట్ పేరు tirupatibalaji.ap.gov.in
గా ఉండేది. ఇప్పుడు దాన్ని ttdevasthanams.ap.gov.in అని మార్చింది. ఈ పేరు మార్పును
భక్తులు గమనించాలని టీటీడీ కోరింది.
గతంలో
టీటీడీ వెబ్ సైట్ పేరు టీటీడీ సేవా ఆన్ లైన్ అనే పేరుతో ఉండేది. అయితే అప్పటికి
అది టీటీడీ పేరిట స్వతంత్ర వెబ్‌సైట్ గా ఉండేది. వైసీపీ అధికారంలోకి వచ్చాక టీటీడీ
వెబ్‌సైట్‌ను ప్రభుత్వానికి అనుబంధం చేస్తూ tirupatibalaji.ap.gov.in గా మార్చారు. ఇప్పుడు ఆ పేరును కూడా
మార్చారు. వన్ వెబ్‌సైట్,
వన్ యాప్ కాన్సెప్టులో భాగంగా ఈ మార్పు
చేపట్టినట్టు టీటీడీ వెల్లడించింది.
శుక్రవారం
స్వామివారిని 59 వేల 304 మంది దర్శించుకున్నారు. 22, 391 మంది తలనీలాలు
సమర్పించగా, హుండీ కానుకల ద్వారా రూ.4.08 కోట్ల కానుకలు వచ్చాయి.
