త్వరలో జరగబోయే తెలంగాణ శాసనసభ
ఎన్నికల్లో పోటీకి జనసేనసిద్ధమైంది.
రాష్ట్రంలో 32 చోట్ల పోటీ
చేయనున్నట్టు ప్రకటించింది. తమ
పార్టీ పోటీచేసే స్థానాల జాబితాను విడుదల చేసింది. తెలంగాణ ఎన్నికల్లో పోటీ విషయమై పూర్తి
సన్నద్ధతతో ఉన్నామని, ఈసారి పోటీ
చేసి తీరతామని పార్టీ ఉపాధ్యక్షుడు బొంగునూరి మహేందర్‌ రెడ్డి తెలిపారు.
కూకట్‌పల్లి, ఎల్బీనగర్‌, నాగర్‌కర్నూల్‌,
వైరా, ఖమ్మం, మునుగోడు, కుత్బుల్లాపూర్‌, శేరిలింగంపల్లి,
పటాన్‌చెరు, సనత్‌నగర్‌, కొత్తగూడెం, ఉప్పల్‌, అశ్వారావుపేట, పాలకుర్తి, నర్సంపేట, స్టేషన్‌ఘన్‌పూర్‌, హుస్నాబాద్‌, రామగుండం, జగిత్యాల, నకిరేకల్‌, హుజూర్‌నగర్‌, మంథని, కోదాడ, సత్తుపల్లి, వరంగల్‌ వెస్ట్‌, వరంగల్‌ ఈస్ట్‌, మల్కాజిగిరి, ఖానాపూర్‌, మేడ్చల్‌, పాలేరు, ఇల్లందు, మధిర…
అనే 32 అసెంబ్లీ స్థానాల నుంచి పోటీ చేస్తామని చెప్పారు. చివరి క్షణంలో
పొత్తులేమైనా ఉంటే ఈ స్థానాల్లో మార్పులు ఉండొచ్చన్నారు.
దాదాపు 25 సీట్లలో
పార్టీకి బలమైన ఓటు బ్యాంకు ఉందని మహేందర్‌
రెడ్డి చెప్పారు. గెలుపోటములు నిర్ణయించే స్థాయిలో తమ ఓటింగ్‌ ఉందన్నారు. ఒంటరిగా పోటీ
చేయడానికి సైతం సిద్ధంగా ఉన్నామన్నారు. తెలంగాణ జనసేన గత
పదేళ్లలో…నల్లమల
యురేనియం తవ్వకాలు, మహిళలపై దాడులు, డ్రగ్స్‌ సమస్య,
ఆర్టీసీ కార్మికుల సమస్య, బీసీ, ఎస్టీ వర్గాలతో పాటు విద్యార్థుల సమస్యలు… ఇలా అనేక
అంశాలపై పోరాటం చేసినట్టు పేర్కొన్నారు.
