తిరుమల
శ్రీవారిని మాజీ క్రికెటర్, బీజేపీ ఎంపీ గౌతమ్ గంభీర్ దర్శించుకున్నారు. తిరుమల
చేరుకున్న గంభీర్ సుప్రభాత సేవలో సతీసమేతంగా పాల్గొని స్వామిని సేవించారు.
ఆలయ
రంగనాయకుల మండపంలో వేదపండితులు వేద ఆశీర్వాదం అందించగా, ఆలయ అధికారులు స్వామి వారి
శేషవస్త్రంతో సత్కరించి, స్వామి వారి తీర్థ ప్రసాదాలను
అందజేశారు.
స్వామి దర్శనం తర్వాత ఆలయం నుంచి బయటకు రాగా పలువురు అభిమానులు ఆయనతో
సెల్ఫీ దిగేందుకు పోటీపడ్డారు.
అనంతరం
ఆలయం వెలుపల గౌతమ్ గంభీర్ మీడియాతో మాట్లాడుతూ… శ్రీవేంకటేశ్వరస్వామి దర్శనం
అద్భుతంగా జరిగిందని త్వరలో జరగబోయే ప్రపంచకప్ పోటీల్లో భారత్ ట్రోఫీ కైవసం
చేసుకునే అవకాశాలు మెండుగా ఉన్నాయన్నారు. భారతీయలందరి ప్రార్థనలతో భారత్ జట్టు
కచ్చితంగా ప్రపంచకప్ కైవసం చేసుకుంటుందన్నారు.
