ఆసియా క్రీడల్లో ఈ ఈవెంట్‌లో భారతదేశానికి ఇది మొట్టమొదటి స్వర్ణ పతకం. అంతేకాదు, ఈక్వెస్ట్రియన్ పోటీల్లో 41 సంవత్సరాల తర్వాత భారత్ గోల్డ్ మెడల్ గెలుచుకుంది.

సుమారు 10 గంటల పాటు సాగిన ఈ పోటీలో ఆసియాలోని అన్ని ప్రధాన దేశాల అథ్లెట్లూ పాల్గొన్నారు. అయితే అనూష్, హృదయ్, దివ్యకృతి, సుదీప్తి బృందం పైచేయి సాధించింది.

అనూష్, అతని గుర్రం ఎట్రో 71.088 పాయింట్లు సాధించారు. హృదయ్, అతని గుర్రం ఎమరాల్డ్ 69.941 పాయింట్లు సాధించారు. దివ్యకృతి, ఆమె గుర్రం అడ్రినలిన్ 68.176 పాయింట్లు సాధించారు. సుదీప్తి, ఆమె గుర్రం చిన్‌స్కీ 66.706 పాయింట్లు సాధించారు. భారత జట్టు 209.205 పాయింట్లతో పోటీలో అగ్రస్థానంలో నిలిచింది. క్రీడాకారులు సాధించిన మొత్తం పాయింట్లను కలిపి చూస్తే, భారత జట్టు దరిదాపుల్లో కూడా ఎవరూ నిలవలేదు.