ఐక్యరాజ్య
సమితి సర్వప్రతినిధి సభలో తుర్కియే అధ్యక్షుడు రెసెప్ తయ్యప్ ఎర్డోగన్ మరోసారి
కశ్మీర్ అంశాన్ని లేవనెత్తారు. భారత్, పాకిస్తాన్ వ్యవహారాల్లో తలదూర్చవద్దన్న
భారత్ హెచ్చరికలను బేఖాతరు చేస్తూ తాజా సమావేశాల్లో మళ్లీ పాక్, భారత వివాదాలను
ప్రస్తావించారు.
భారత్, పాకిస్తాన్ మధ్య సంధితోనే దక్షిణాసియాలో శాంతి స్థాపన
జరుగుతుందన్నారు.
దక్షిణాసియాలో
ప్రాంతీయ శాంతి, సుస్థిరత, శ్రేయస్సు కోసం దాయాది దేశాలైన భారత్, పాకిస్తాన్ మధ్య
చర్చలు జరగాలని అందుకు తుర్కియే సహకారం ఉంటుందన్నారు. ఇరు దేశాలు సౌర్వభౌమాధికారం
సాధించి 75 ఏళ్ళు పూర్తయినా రెండుదేశాల
మధ్య సఖ్యత లేకపోవడం దురదృష్టకరమన్న
తుర్కియే అధ్యక్షుడు… కశ్మీర్‌లో శాశ్వతశాంతితో పాటు శ్రేయస్సు స్థాపించాలని
ప్రార్థిస్తున్నట్లు తెలిపారు.
ఐక్యరాజ్యసమితిలో
కశ్మీర్ ప్రస్తావన తీసుకురావద్దని భారత్ అనేకసార్లు తుర్కియేను హెచ్చరించింది. ఒక
వేళ మళ్ళీ కశ్మీర్ అంశాన్ని ప్రస్తావిస్తే, తాము సైప్రస్ అంశాన్ని
ప్రస్తావిస్తామని చెప్పారు. అయినా పెడచెవిన పెట్టిన తుర్కియే , ఐక్యరాజ్య సమితిలో
పాకిస్తాన్‌కు వత్తాసు పలికింది.
ఐక్యరాజ్య
సమితి భద్రతా మండలిలో భారత్ పాత్ర గర్వించదగ్గ విషయమన్న ఎర్డోగన్, తాత్కాలిక
సభ్యులుగా ఉన్న 15 దేశాలను కూడా శాశ్వత సభ్యులుగా గుర్తించాలని కోరారు.
భారత్
లో ఇటీవల జరిగిన జీ-20 సమావేశాల సందర్భంగా తుర్కియే అధ్యక్షుడితో సమావేశామైన
ప్రధాని మోదీ, వాణిజ్యం, మౌలిక సదుపాయాల సంబంధాల బలోపేతంపై చర్చలు జరిపారు.
