Sunday, April 14, 2024

Logo
Loading...
upload upload upload

war news

రష్యా ఉక్రెయిన్ యుద్ధంలో భారతీయుడి మృతి

రష్యా ఉక్రెయిన్ యుద్ధంలో ఓ భారతీయుడు చనిపోయినట్లు వార్తలు వస్తున్నాయి. దొనెట్క్స్ ప్రాంతంపై జరిగిన క్షిపణి దాడిలో భారతీయుడు చనిపోయినట్లు అంతర్జాతీయ మీడియా ద్వారా సమాచారం అందుతోంది. మరొక భారతీయుడు తప్పించుకున్నాడు. చనిపోయిన భారతీయుడు గుజరాత్‌లోని సూరత్‌కు చెందిన హేమిల్ అశ్విన్‌భాయ్ ముంగుకియాగా గుర్తించారు. 2023 డిసెంబరులో హేమిల్ రష్యా వెళ్లాడు. రష్యా సైన్యానికి సహాయకారిగా పనిచేస్తున్నట్లు తెలుస్తోంది.


దాదాపు వంద మంది భారతీయులను అక్రమంగా రష్యాకు తరలించినట్లు వార్తలు వస్తున్నాయి. రష్యా సైన్యానికి సహాయకారులుగా భారతీయ యువకులను ఏజంట్లు అక్రమంగా తరలిస్తున్నట్లు విదేశాంగ శాఖకు ఫిర్యాదులు అందాయి. దీనిపై కేంద్రం చర్యలకు ఉపక్రమించింది. ఏజంట్ల మాయమాటలు నమ్మవద్దని హెచ్చరించింది. తెలుగు రాష్ట్రాలకు చెందిన కొందరు యువకులు కూడా ఏజంట్ల ద్వారా రష్యా వెళ్లినట్లు తెలుస్తోంది. దీనిపై విదేశాంగశాఖ అధికారులు, రష్యా రాయబారులతో సంప్రదింపులు ప్రారంభించారు.

K Venkateswara Rao | 12:03 PM, Sun Feb 25, 2024

ఆరువారాల కాల్పుల విరమణ దిశగా ఇజ్రాయెల్

ఇజ్రాయెల్ హమాస్ ఉగ్రవాదుల మధ్య ఆరు వారాల కాల్పుల విరమణకు పారిస్ వేదికగా చర్చలు జరుగుతున్నాయి.కాల్పుల విరమణపై ఇప్పటికే ఒక ఒప్పందం కుదిరినట్లు తెలుస్తోంది. 300 మంది పాలస్తీనా ఖైదీల విడుదలకు బదులుగా, 40 మంది ఇజ్రాయెల్ బందీలను విడుదల చేసేందుకు ఇరువర్గాలు అంగీకరించినట్లు తెలుస్తోంది. అయితే దీనిపై ఇంకా అధికారిక ప్రకటన విడుదల చేయాల్సి ఉంది.



పారిస్‌లో జరిగిన చర్చలపై వార్ కేబినెట్‌లో మరోసారి చర్చించి తుది నిర్ణయం తీసుకుంటామని ఇజ్రాయెల్ రాయబారులు ప్రకటించారు. ఇజ్రాయెల్ చేస్తోంది నరమేధమంటూ బ్రెజిల్ అధ్యక్షుడు లూలా ద సిల్వ తీవ్ర విమర్శలు చేశారు. చిన్నారులను,మహిళలను దారుణంగా హతమారుస్తున్నారని ఎక్స్‌లో పోస్ట్ చేశారు. ఇజ్రాయెల్ నరమేధానికి తలపడతోందంటూ దక్షిణాఫ్రికా అంతర్జాతీయ న్యాయస్థానంలో ఫిర్యాదు చేసింది. గాజాలోని వెస్ట్‌బ్యాంక్‌లో 3500 ఇళ్లు నిర్మిస్తామంటూ ఇజ్రాయెల్ ప్రధాని నెతన్యాహు చేసిన వ్యాఖ్యలపై అమెరికా అధ్యక్షుడు బైడెన్ తీవ్ర విమర్శలు చేశారు. ఇజ్రాయెల్ చర్యలను తప్పుపట్టారు.

K Venkateswara Rao | 09:55 AM, Sun Feb 25, 2024

ఇజ్రాయెల్ దాడుల్లో హమాస్ అగ్రనేత కుమారుడి మృతి

హమాస్ ఉగ్రవాదులు కాల్పుల విరమణ కోసం చేస్తున్న ప్రయత్నాలు ఫలించేలా కనిపించడం లేదు. తాజాగా ఇజ్రాయెల్ సైన్యం జరిపిన దాడుల్లో హమాస్ అగ్రనేత ఇస్మాయిల్ హనియే కుమారుడు హజెం హనియే చనిపోయినట్లు స్థానిక వార్తా కథనాల ద్వారా తెలుస్తోంది. దక్షిణ గాజాలో శనివారం ఇజ్రాయెల్ సైన్యం జరిపిన వైమానిక దాడుల్లో హజెం హనియో చనిపోయినట్లు భావిస్తున్నారు.



గాజాలోని రఫాలో ఇజ్రాయెల్ సైన్యం వైమానిక దాడులతో విరుచుకుపడింది. ఈ దాడుల్లో కనీసం 44 మంది పాలస్తీనావాసులు చనిపోయారు. గాజాను ఖాళీ చేయాలని ఇజ్రాయెల్ అధ్యక్షుడు నెతన్యాహు ప్రకటించిన కాసేపటికే దాడులు మొదలయ్యాయి. ఆ తరవాత లక్షలాది మంది ఆ ప్రాంతాన్ని ఖాళీ చేశారు.




తాజాగా ఇజ్రాయెల్ రఫాపై చేస్తున్న దాడులను పలు దేశాలు ఖండించాయి. రాఫాను ఆక్రమించుకోవాలని ఇజ్రాయెల్ చూస్తోందంటూ అమెరికా ఆరోపించింది. గాజాలోని సగం జనాభా రఫాలో నివశిస్తోంది. ఇలాగే దాడులు కొనసాగిస్తే వేలాది మంది ప్రాణాలు కోల్పోయే ప్రమాదముందని పలు దేశాలు ఆందోళన వ్యక్తం చేస్తున్నాయి.

K Venkateswara Rao | 11:34 AM, Sun Feb 11, 2024

135 రోజుల కాల్పుల విరమణకు హమాస్ సిద్దం

ఇజ్రాయెల్, హమాస్ యుద్ధంలో కీలక పరిణామం చోటుచేసుకుంది. 135 రోజుల సుదీర్ఘ కాల్పుల విమరణ అంశాన్ని హమాస్ తెరమీదకు తెచ్చింది. హమాస్ ప్రతిపాదనను ఇజ్రాయెల్ అంగీకరిస్తే మూడు దశల్లో కాల్పుల విరమణ అమల్లోకి రానుంది. హమాస్ ఉగ్ర సంస్థ ప్రతినిధులు వారి ప్రతిపాదనను ఖతార్, ఈజిప్టులోని వారి మధ్యవర్తుల బృందానికి సమాచారం పంపించారు.


గతంలో ఇజ్రాయెల్ తీసుకువచ్చిన కాల్పుల విమరణ ఒప్పందానికి బదులుగా, హమాస్ తాజా ప్రతిపాదన తీసుకువచ్చినట్లు ఓ ఆంగ్ల పత్రిక ప్రకటించింది. ఒక్కో దశలో 45 రోజుల చొప్పున మూడు దశల కాల్పుల విరమణ ప్రతిపాదన తెరమీదకు వచ్చింది. సుదీర్ఘ కాల్పుల విరమణ ఒప్పందం (israel hamas war) అమల్లోకి వస్తే పాలస్తీనా ఖైదీలకు బదులుగా, ఇజ్రాయెల్ ఖైదీలను విడుదల చేస్తారు.గాజాలో ఇజ్రాయెల్ సైన్యం ఉపసంహరణ అంశాన్ని హమాస్ తెరమీదకు తెచ్చింది.


మొదటి దఫాలో వృద్ధులు, పిల్లలను విడుదల చేయనున్నారు. రెండో దశలో మరణించిన వారి మృతదేహాలను మార్పిడి చేసుకుంటారు.మొత్తం కాల్పుల విరమణ ఒప్పందం అమల్లోకి వస్తే 1500 మంది ఖైదీలను విడుదల చేయాలని హమాస్ కోరుతోంది.హమాస్ చెరలో బందీలుగా ఉన్న 31 మంది చనిపోయినట్లు ఇజ్రాయెల్ సైన్యం సమాచారం అందించింది. హమాస్ నుంచి కాల్పుల విరమణ ప్రతిపాదనలు వస్తున్న సమయంలో ఇజ్రాయెల్ సైన్యం ప్రకటన చర్చనీయాంశంగా మారింది.

K Venkateswara Rao | 10:04 AM, Thu Feb 08, 2024
upload
upload