తెలంగాణపై ప్రధాని మోదీ వరాల జల్లు కురిపించారు. మహబూబ్ నగర్  పర్యటనలో భాగంగా పలు అభివృద్ధి పనులకు శంకుస్థాపన చేసిన ప్రధాని మోదీ, తెలంగాణ ప్రజలకు కీలక వరాలు ప్రకటించారు.  తెలంగాణలో పసుపు బోర్డుతో  పాటు సమ్మక్క-సారక్క పేరుతో గిరిజన వర్సిటీ ఏర్పాటు చేస్తామని బహిరంగ సభ వేదికగా ప్రకటించారు. 

తెలుగులో ప్రసంగాన్ని ప్రారంభించిన ప్రధాని మోదీ,  నా కుటుంబ సభ్యులారా అంటూ తెలంగాణ ప్రజలను సంబోధించారు. తెలంగాణ అభివృద్ధికి కేంద్రం కట్టుబడి ఉందని, పాలమూరు సభ సాక్షిగా పసుపు బోర్డు ఏర్పాటు చేస్తామని ప్రకటించారు. పసుపు రైతుల సంక్షేమం కోసం జాతీయ పసుపు బోర్డు ఏర్పాటు చేస్తున్నట్లు తెలిపారు. ములుగు జిల్లాలో గిరిజన విశ్వవిద్యాలయం ఏర్పాటు చేస్తామని, వన దేవతలు అయిన సామ్మక్క-సారక్క పేరుపై వర్సిటీ ఏర్పాటు చేస్తామని హామీ ఇచ్చారు. ఇందు కోసం కేంద్ర ప్రభుత్వం రూ. 900 కోట్లు ఖర్చు చేస్తుందన్నారు.

తెలంగాణలో ఇవాళ రూ. 13,500 కోట్ల అభివృద్ధి పనులకు శ్రీకారం చుట్టామని చెప్పిన ప్రధాని, కేంద్రం తీసుకుంటున్న చర్యలతో యువతకు ఉపాధి అవకాశాలు పెరిగాయన్నారు.  జాతీయ రహదారుల నిర్మాణంతో అన్ని రాష్ట్రాలతో తెలంగాణ అనుసంధానం మునిపటి కంటే పెరిగిందన్నారు.

దేశంలో నిర్మించే ఐదు టెక్స్‌టైల్స్ పార్కుల్లో తెలంగాణకు ఒకటి కేటాయించామన్నారు. హన్మకొండలో నిర్మించే టెక్స్‌టైల్ పార్కుతో  వరంగల్, ఖమ్మం ప్రజలకు ఉపాధి అవకాశాలు  పెరుగుతాయన్నారు. ఇనిస్టిట్యూట్ ఆఫ్ ఎమినెన్స్ గా హైదరాబాద్ సెంట్రల్ యూనివర్సిటీని గుర్తిస్తామన్నారు. కృష్ణపట్నం-హైదరాబాద్ మల్టీ ప్రొడెక్ట్ పైప్ లైన్ పనులను ప్రారంభించారు. జక్లేర్ కృష్ణ కొత్త రైల్వే లైన్ ను జాతికి అంకితమిచ్చారు.

బస్సు యాత్ర చేపట్టే ఛాన్స్ టీడీపీ అధినేత చంద్రబాబును రాష్ట్రప్రభుత్వం అక్రమ కేసులతో వేధిస్తోందంటూ ఆ పార్టీ నేతలు వరుస ఆందోళనలకు పిలుపునిస్తున్నారు. రాష్ట్రవ్యాప్తంగా  ం ‘మోతమోగిద్దాం’ పేరుతో నిరసనలు చేపట్టాలని ఇప్పటికే శ్రేణులకు పిలుపునిచ్చింది. చంద్రబాబు సతీమణి నారా భువనేశ్వరి అక్టోబర్ 2న నిరాహార దీక్ష చేస్తారని ఆ పార్టీ రాష్ట్ర అధ్యక్షుడు అచ్చెన్నాయుడు వెల్లడించారు. చంద్రబాబు అరెస్టును ఖండిస్తూ అక్టోబర్ 2 రాత్రి 7 గంటల నుంచి 7.05 వరకు ప్రతీ ఇంట్లో లైట్లన్నీ ఆపేసి కొవ్వొత్తులతో  నిరసన తెలపాలని  కోరారు.

  త్వరలో టీడీపీ, జనసేన నుంచి కొంతమందితో కమిటీ వేసి క్షేత్రస్థాయిలో పోరాడతామన్న అచ్చెన్నాయుడు, ఆదివారం నుంచి నాలుగు రోజుల పాటు పవన్ మచిలీపట్నం పార్లమెంట్ పరిధిలో పర్యటిస్తారని తెలిపారు. చంద్రబాబు అరెస్టుతో  పలువురు కలత చెందారని, అక్రమ అరెస్టును తట్టుకోలేక ఇప్పటికే 97 మంది చనిపోయారని చెప్పారు. వీరికి నంద్యాలలో జరిగిన టీడీపీ పొలిటికల్ యాక్షన్ కమిటీ సమావేశంలో సంతాపం తెలిపామన్నారు.

ప్రాణాలు విడిచిన వారి కుటుంబాలను త్వరలో కలిసి ధైర్యం చెబుతామన్నారు. మేలుకో తెలుగోడా పేరుతో నారా భువనేశ్వరి బస్సు యాత్ర కూడా నిర్వహించే అవకాశం ఉందని తెలుస్తోంది. చంద్రబాబు జైల్లో ఉండటం, న్యాయపోరాటంలో భాగంగా లోకేశ్ దిల్లీకి పరిమితం కావడంతో ఆ పార్టీ శ్రేణుల్లో నైరాశ్యం ఏర్పడింది.

తెలుగు తమ్ముళ్ళలో జోష్ నింపేందుకు చంద్రబాబును అక్రమంగా అరెస్టు చేశారని ప్రజల్లోకి బలంగా తీసుకెళ్ళేందుకు భువనేశ్వరి చేపట్టే ‘మేలుకో తెలుగోడా’ కార్యక్రమం ఉపయోగపడుతుందని ఆ పార్టీ అభిమానులు, కేడర్ అభిప్రాయపడుతున్నారు.

అసెంబ్లీ ఎన్నికల గడువు దగ్గర పడుతుండటంతో తెలంగాణలో రాజకీయాలు ఆసక్తికరంగా మారాయి. పాలక బీఆర్ఎస్‌కు దీటుగా కాంగ్రెస్, బీజేపీ వ్యూహాలు అమలు చేస్తున్నాయి. ఇప్పటికే ప్రజాక్షేత్రంలో ఆయా పార్టీల నేతలు గెలుపే లక్ష్యంగా శ్రమిస్తున్నారు. ప్రచారపర్వంలో ప్రత్యర్థులపై విమర్శలు, ఆరోపణలతో విరుచుకు పడుతున్నారు.

హ్యాట్రిక్ కోసం కేసీఆర్ వ్యూహాత్మకంగా అడుగులు వేస్తుండగా, పూర్వ వైభవం కోసం కాంగ్రెస్ ఆరాటపడుతోంది. తెలంగాణలో అధికారంలోకి వచ్చి తెలుగు రాష్ట్రాల రాజకీయాలపై పట్టు సాధించేందుకు కాషాయ పార్టీ దూకుడు ప్రదర్శిస్తోంది.

పాలక బీఆర్ఎస్ మిత్రపక్షంగా వ్యవహరిస్తున్న ఆల్ ఇండియా మజ్లిస్ ఇత్తేహాదుల్ ముస్లిమీన్(ఏఐఎమ్ఐఎమ్), కాంగ్రెస్ లక్ష్యంగా విమర్శలు చేయడంతో తెలంగాణ రాజకీయాలు మరింత ఆసక్తిని రేకిస్తున్నాయి. ‘‘ఆర్భాటపు ప్రకటనలు, కల్లబొల్లి మాటలు చెప్పడం మాని కాంగ్రెస్ నేత రాహుల్ గాంధీ, హైదరాబాద్ నుంచి పోటీ చేయాలని’’ సవాల్ విసిరారు.  వయనాడ్ నుంచి కాకుండా రాహుల్ తనపై పోటీ చేయాలని ఎమ్ఐఎమ్ అధినేత, హైదరాబాద్ ఎంపీ అసదుద్దీన్ ఓవైసీ అన్నారు.

ఎమ్ఐఎమ్ పార్టీ సమావేశంలో ప్రసంగించిన అసదుద్దీన్, అయోద్యలో బాబ్రీ మసీదు కూల్చివేత కాంగ్రెస్ పాలనలో జరిగిందన్నారు. కాంగ్రెస్ నేతలు పెద్దపెద్ద ప్రకటనలు చేస్తున్నారని మండిపడిన ఎమ్ఐఎమ్ చీఫ్, అనవసరపు విమర్శలు మాని హైదరాబాద్ నుంచి పోటీ చేయాలని రాహుల్ గాంధీకి సవాల్ విసిరారు. బాబ్రీ మసీదుతో పాటు సెక్రటేరియట్ మసీదు కూల్చివేత కాంగ్రెస్ పాలనలో జరిగిన విషయాన్ని మరిచిపోలేదన్నారు.  

ఇటీవల తెలంగాణలో పర్యటించిన కాంగ్రెస్ అగ్రనేత రాహుల్ గాంధీ, బీఆర్ఎస్, ఎమ్ఐఎమ్, బీజేపీలు కలిసి పనిచేస్తున్నాయని విమర్శించారు. వేరే వేరు పార్టీలుగా ఉన్నప్పటికీ కలిసే పనిచేస్తున్నారని ఎద్దేవా చేశారు. ఈ మూడు పార్టీలకు వ్యతిరేకంగా కాంగ్రెస్ పోరాటం చేస్తుందన్నారు. కేసీఆర్, ఓవైసీని ప్రధాని మోదీ తన సొంతవారిగా భావిస్తున్నారని అందుకే వారిపై ఈడీ కేసులు దాఖలు కాలేదని ఘాటు విమర్శలు చేశారు.

రాష్ట్రంలో మద్యం అక్రమాలపై సీబీఐ విచారణ కోరుతామని బీజేపీ రాష్ట్ర అధ్యక్షురాలు పురందరేశ్వరి అన్నారు. విజయవాడ లోని బీజేపీ రాష్ట్ర కార్యాలయంలో ఏర్పాటు చేసిన నరేంద్రమోదీ ఫొటో ఎగ్జిబిషన్‌ను పురందరేశ్వరి ప్రారంభించారు. అనంతరం మీడియాతో మాట్లాడుతూ అక్రమ మద్యం ద్వారా వైసీపీ నేతలు జేబులు నింపుకున్నారని ఆరోపించారు.

నరసాపురంలో నిన్న మద్యం దుకాణాన్ని తనిఖీ చేసినప్పుడు నగదు లావాదేవీల్లో అక్రమాలు బయట పడ్డాయన్నారు. మధ్యాహ్నం సమయానికి లక్ష రూపాయల మేరకు విక్రయాలు జరిగితే అందులో డిజిటల్ చెల్లింపులు జరిగింది రూ. 700 మాత్రమేనన్నారు.

ప్రజల కష్టార్జితాన్ని వైసీపీ నేతలు దోచుకుంటున్నారని దుయ్యబట్టిన పురందరేశ్వరి, ప్రతిరోజు మద్యం అమ్మకాల ద్వారా వైసీపీ నేతలు రాష్ట్రవ్యాప్తంగా అక్రమ సంపాదన పొగేసుకుంటున్నారని తెలిపారు. ప్రజల కష్టాన్ని దోచుకుని ఉచితాలు ఇస్తున్నామనే దిశగా మాట్లాడటం రాష్ట్ర ప్రభుత్వానికి సమర్థనీయం కాదన్నారు.

అధికార ఎన్డీయేలో మాజీ ప్రధాని దేవగౌడ్‌కు చెందిన జేడీ(ఎస్) చేరింది. కర్ణాటక మాజీ ముఖ్యమంత్రి, జేడీఎస్ అగ్రనేత కుమారస్వామి, దిల్లీలో కేంద్ర హోంమంత్రి అమిత్ షాను మర్యాదపూర్వకంగా కలిసి ఎన్డీయేలో అధికారికంగా చేరుతున్నట్లు తెలిపారు. అమిత్ షాతో కుమారస్వామి జరిపిన చర్చల్లో గోవా సీఎం ప్రమోద్ సావంత్ కూడా పాల్గొన్నారు.

పార్లమెంటు భవనంలో దేవగౌడ్, అతని కుమారుడు కుమారస్వామి, బీజేపీ చీఫ్ జేపీనడ్డాతో పాటు అమిత్ షాతో గురువారమే భేటీ అయ్యారు. ఈ సందర్భంగా సీట్ల సర్దుబాటుపై చర్చ జరిగినట్లు సమాచారం. గడిచిన కొన్ని నెలలుగా బీజేపీ-జేడీఎస్ పొత్తుపై అనేక ఊహాగానాలు వెలువడ్డాయి. రానున్న లోక్ సభ ఎన్నికల్లో ఇరుపార్టీలు పొత్తుతో పోటీ చేస్తాయని తెలుస్తోంది. కర్ణాటకలో మొత్తం 28 ఎంపీ సీట్లు ఉండగా, జేడీఎస్‌కు నాలుగు సీట్లు కేటాయించేందుకు బీజేపీ సుముఖత తెలిపింది.

2019 లోక్‌సభ ఎన్నికల్లో జేడీఎస్, కాంగ్రెస్ పొత్తుతో పోటీ చేశాయి. అయితే బీజేపీ 25 సీట్లలో విజయం సాధించింది. మాండ్యలో బీజేపీ మద్దతు తెలిపిన స్వతంత్ర అభ్యర్థి కూడా విజయం సాధించారు. తాజాగా జరిగిన అసెంబ్లీ  ఎన్నికల్లో జేడీఎస్ 19 సీట్లకే పరిమితమైంది. ఆ పార్టీ చరిత్రలో మొదటి సారి అత్యంత తక్కువ సీట్లకు పరిమితం కావాల్సి వచ్చింది. ఇటీవల జరిగిన ఎన్డీయే, ఇండియా సమావేశాల సందర్భంగా  ఏ కూటమి నుంచి ఆ పార్టీకి పిలుపురాకపోవడం గమనార్హం.