దేశీయ స్టాక్ మార్కెట్లు ఈరోజు భారీ నష్టాల్లో ముగిశాయి. ఈ రోజు ట్రేడింగ్ ముగిసే సమయానికి సెన్సెక్స్ 570 పాయింట్లు నష్టపోయి 66,230కి దిగజారింది. నిఫ్టీ 159 పాయింట్లు కోల్పోయి 19,742కి దిగజారింది. అంతర్జాతీయ ప్రతికూలతలతో మదుపర్లు తీవ్రంగా నిరాశపడ్డారు. 

సోమవారం 242 పాయింట్లు కోల్పోయిన సెన్సెక్స్ , బుధవారం నాడు 796 పాయింట్లు, గురువారం 570 పాయింట్లు క్షీణించింది. వారంలో 1,608 పాయింట్లు నష్టపోయింది. గణేశ్ చతుర్థి సందర్భంగా స్టాక్ మార్కెట్‌కు మంగళవారం సెలవు ప్రకటించారు. బీఎస్ఈ లిస్టెడ్ కంపెనీల మార్కెట్ క్యాపిటలైజేషన్ రూ. 318 కోట్లకు తగ్గగా, పెట్టుబడుల దారుల 5.4 లక్షల కోట్ల సంపద కరిగిపోయింది. యూఎస్ ఫెడరల్ గతరాత్రి  ఎలాంటి వడ్డీరేట్లు పెంచలేదు. ఈ ఏడాది 25 బేసిస్ పాయింట్ల రేటు పెంపుతో పాటు, వచ్చే సంవత్సరం లో 50 పాయింట్లు తగ్గించాలనే అంచనా వేసింది.

సంచలనాత్మక నిర్ణయాలతో అందరినీ ఆశ్చర్యానికి గురిచేసే ప్రపంచ కుబేరుడు ఎలన్‌మస్క్, ఎక్స్(ట్విట్టర్) లో ఉచిత సేవలు నిలిపివేయాలని భావిస్తున్నారట. ఏదైనా సమాచారాన్ని పోస్టు చేయాలన్నా, ఇతరులతో పంచుకోవాలన్నా పెయిడ్ సబ్ క్రిప్షన్ తీసుకోవాల్సిందేనట. అంటే ఎక్స్ ను ఉపయోగించాలంటే నెలవారీ ఛార్జీలు చెల్లించాల్సిందే. నకిలీ అకౌంట్లకు చెక్ పెట్టడమే లక్ష్యంగా  ఎలన్ మస్క్  ఈ నిర్ణయం తీసుకోబోతున్నారనే ప్రచారం సాగుతోంది.

ఇజ్రాయిల్ ప్రధాని బెంజిమిన్ నెతన్యాహు తో ఆన్‌లైన్ లో సంభాషించిన ఎలన్ మస్క్,  ఎక్స్ గురించి మాట్లాడారు. ప్రతినెలా 550 మిలియన్ల మంది ఎక్స్ ను ఉపయోగిస్తున్నారని రోజుకు 100 నుంచి 200 మిలియన్ పోస్టులు చేస్తున్నారని ప్రకటించారు. అయితే ఇందులో నిజమైన ఖాతాదారుల ఎంతో మందో నకిలీ ఖాతాలో ఎన్నో సరైన లెక్కలు లేవు.  ఆర్టి ఫిషియల్ ఇంటిలిజెన్స్ లాంటి కొత్త టెక్నాలజీ కీలకంగా మారిన సమయంలో ఎక్స్(ట్విట్టర్)లో సంస్కరణలు చేపట్టాలని ప్రాథమికంగా నిర్ణయించారు.

విద్వేష ప్రసంగాల పోస్టులకు అడ్డుకట్ట వేసేందుకు చర్యలు చేపట్టినట్లు తెలుస్తోంది.  ట్విట్టర్ ను 44 బిలియన్ డాలర్లకు కొనుగోలు చేసిన ఎలన్ మస్క్ అందులో చెప్పుకోదగిన స్థాయిలో మార్పులు తీసుకొచ్చారు. నిషేధిత ఖాతాలను యాక్టివ్  చేశారు. అమెరికా మాజీ అధ్యక్షుడు డోనాల్డ్ ట్రంప్ ఖాతాను పునరుద్ధరించారు. అలాగే ప్రముఖు ఖాతాలకు ఉపయోగించే బ్లూమార్క్ ను కూడా తొలగించారు.

కొన్ని రోజులుగా ట్విటర్ ఆదాయం తగ్గిపోయిందనే ప్రచారం జరుగుతోంది. యాడ్ సేల్స్ కూడా తగ్గిపోయాయని, దీంతో నష్ట నివారణ చర్యలు చేపట్టిన మస్క్, పోస్టుకు డబ్బులు వసూలు చేయాలనే ఆలోచన చేస్తున్నట్లు చెబుతున్నారు.

మహదేవ్ ఆన్‌లైన్ బెట్టింగ్ యాప్ నిర్వాహకుల కార్యాలయాల్లో ఈడీ అధికారులు సోదాలు నిర్వహించారు. మనీ ల్యాండరింగ్‌తో పాటు చట్టవ్యతిరేక చర్యలకు పాల్పడుతున్నారనే ఆరోపణలతో ఈడీ అధికారులు తనిఖీలు చేపట్టారు. కోల్‌కతా, బోపాల్, ముంబై లో సోదాలు నిర్వహించి సాక్ష్యాలను సంపాదించారు. అలాగే లెక్కలు చూపని రూ.417 కోట్ల నగదు సీజ్ చేశారు.

ఆన్‌లైన్ బెట్టింగ్‌ను ప్రోత్సహించడంతో పాటు అక్రమంగా పోగు చేసిన నగదును హవాలా మార్గంలో మళ్ళించినట్లు ఈడీ దర్యాప్తులో తేలింది. బినామీ బ్యాంకు ఖాతాలు తెరవడం నుంచి బెట్టింగ్ చేసేందుకు వెబ్‌సైట్ లో యూజర్ ఐడీ, పాస్ వర్డ్స్ తయారు చేయడం వరకు మహదేవ్ యాప్ నిర్వాహకులు చేస్తున్నట్లు విచారణలో తేలింది.

ఛత్తీస్‌గఢ్ రాష్ట్రంలోని భిలాయ్‌కు చెందిన సౌరభ్ చంద్రశేఖర్, రావి ఉప్పల్ యాప్ ప్రధాన నిర్వాహకులుగా ఉన్నారని, దుబాయి కేంద్రంగా కార్యకలాపాలకు పాల్పడుతున్నారని ఈడీ పేర్కొంది. కొత్త వారిని బెట్టింగ్ వైపు ఆకర్షించేందుకు వెబ్‌సైట్లలో ప్రకటనలు ఇవ్వడంతో పాటు పెద్దమొత్తంలో నగదును విదేశీ బ్యాంకులకు మళ్లించి సొమ్ము చేసుకున్నారని పేర్కొన్నారు.

ఛత్తీస్‌గఢ్‌లో తనిఖీలు నిర్వహించిన ఈడీ అధికారులు, బెట్టింగ్ సిండికేట్ లో కీలకంగా వ్యవహరిస్తున్న నలుగురిని అరెస్టు చేశారు. దేశ వ్యాప్తంగా 39 చోట్ల సోదాలు నిర్వహించి రూ. 417 కోట్ల నగదు సీజ్ చేశారు. తదుపరి విచారణను విదేశాల్లో నిర్వహించేందుకు సిద్ధమయ్యారు. పరారీలో ఉన్న నిందితులను పట్టుకునేందుకు పీఎంఎల్ఏ కోర్టు నాన్ బెయిలబుల్ వారెంట్ జారీ చేసింది

జి-20 సమావేశాల సందడి శుక్రవారం నుంచే మొదలైంది. ఇవాళ, రేపు జరగనున్న సమావేశాలతో ఈ సదస్సు ముగుస్తుంది. ఈ సమావేశాల కోసం భారత్ వచ్చిన పలువురు విదేశీ నేతలతో భారత ప్రధానమంత్రి ప్రత్యక్షంగా ద్వైపాక్షిక చర్చలు జరిపారు.

నరేంద్ర మోదీ మొట్టమొదటగా మారిషస్ ప్రధానమంత్రి ప్రవింద్ జగ్‌నాథ్‌తో శుక్రవారం సాయంత్రం భేటీ అయారు. మారిషస్ ఆర్థిక వ్యవస్థకు భారత్ అందిస్తున్న సహకారానికి ప్రవింద్ ధన్యవాదాలు తెలియజేసారు. మారిషస్‌తో సమగ్ర ఆర్థిక భాగస్వామ్య ఒప్పందం కుదుర్చుకున్న మొట్టమొదటి దేశం భారతదేశమే. భారత్ తమ దేశానికి ఎంత ప్రాధాన్యతనిస్తోందో ఆ ఒప్పందం ద్వారా తెలిసిందంటూ ప్రవింద్ హర్షం వ్యక్తం చేసారు.

ఆ తర్వాత భారత ప్రధానమంత్రి బంగ్లాదేశ్ ప్రధానమంత్రి షేక్ హసీనాతో సమావేశమయ్యారు. వారిద్దరి ద్వైపాక్షిక సమావేశం అనంతరం ఇరుదేశాలూ మూడు అవగాహనా ఒప్పందాలపై సంతకాలు చేసాయి. డిజిటల్ పేమెంట్ మెకానిజంలో సహకారం కోసం  నేషనల్ పేమెంట్స్ కార్పొరేషన్ ఆఫ్ ఇండియా, బంగ్లాదేశ్ బ్యాంక్‌లు ఎంఓయూ కుదుర్చుకున్నాయి. రెండవది, ఇరు దేశాల మధ్యా కల్చరల్ ఎక్స్‌ఛేంజ్ ప్రోగ్రామ్‌ను మరో రెండేళ్ళు పొడిగించే ఒప్పందం మీద ఇరు దేశాల ప్రతినిథులూ సంతకాలు చేసారు. ఇక మూడవ ఒప్పందం వ్యవసాయ రంగానికి సంబంధించినది. వ్యవసాయ పరిశోధనల్లో పరస్పర సహాయం కోసం -- భారత వ్యవసాయ పరిశోధనా సంస్థ ఇకార్, బంగ్లాదేశ్ వ్యవసాయ పరిశోధనా సంస్థ బార్క్ – ఒప్పందాలు కుదుర్చుకున్నాయి. ఇద్దరు ప్రధానమంత్రులూ రాజకీయ, భద్రతా సహకారం, సరిహద్దుల నిర్వహణ, వాణిజ్యం, కనెక్టివిటీ, జల వనరులు, విద్యుత్తు, ఇంధనం, తదితర అంశాల పైన కూడా చర్చలు సాగించారు.

ఆ తర్వాత మోదీ, అమెరికా అధ్యక్షుడు జో బైడెన్‌తో భేటీ అయ్యారు. ఐక్యరాజ్యసమితి భద్రతా మండలిలో భారత్‌కు శాశ్వత సభ్యత్వం ఇచ్చేందుకు అమెరికా సహకరిస్తుందని బైడెన్ మోదీకి వెల్లడించారు. అలాగే, 2028-29 సంవత్సరంలో భద్రతా మండలిలో తాత్కాలిక సభ్యత్వం కోసం భారత్ చేస్తున్న ప్రయత్నాలకు సైతం మద్దతిస్తామని ప్రకటించారు. ఆ విషయాన్ని వైట్‌హౌస్‌ ఒక ప్రకటనలో పేర్కొంది. ఇద్దరు దేశాధినేతలూ ద్వైపాక్షిక సంబంధాలను మరింత ముందుకు తీసుకువెళ్ళే విధంగా చర్చలు జరిపారు. భారత్-అమెరికా మధ్య స్నేహబంధం ప్రపంచానికి మేలు చేసే దిశగా కొనసాగుతుందని మోదీ వ్యాఖ్యానించారు.

ఇక ఈ ఉదయం నరేంద్ర మోదీ, ఇంగ్లండ్ ప్రధానమంత్రి రిషి శునక్‌తో ద్వైపాక్షిక చర్చల్లో పాల్గొన్నారు. ఇరు దేశాల మధ్యా స్వేచ్ఛా వాణిజ్య ఒప్పందం, సమగ్ర వ్యూహాత్మక భాగస్వామ్యాన్ని బలోపేతం చేయడం వంటి అంశాలపై ఇద్దరు నేతలూ చర్చించారు. ప్రపంచం ఎన్నో సవాళ్ళను ఎదుర్కొంటున్న ప్రస్తుత తరుణంలో జి-20 కూటమి ఆ సమస్యలకు పరిష్కారాలు చూపించగలదని రిషి శునక్ ఆశాభావం వ్యక్తం చేసారు.

ఢిల్లీలో జీ20 సమావేశాలు పారంభమైన వేళ ముగిసిన వారాంతానికి భారత స్టాక్ మార్కెట్ల విలువ 300 లక్షల కోట్లను దాటింది. ప్రపంచంలోనే అత్యంత వేగంగా అభివృద్ధి చెందుతున్న ఆర్థిక వ్యవస్థల్లో భారత్ ముందు వరుసలో నిలిచింది. కార్పొరేట్ కంపెనీల ఆదాయాలు గణనీయంగా పెరగడం, చిన్న పెట్టుబడిదారులు ఉత్సాహంగా పెద్ద ఎత్తున స్టాక్ మార్కెట్లలో పెట్టుబడులు పెట్టడంలాంటి అంశాలన్నీ భారత స్టాక్ మార్కెట్లు జీవిత కాల గరిష్ఠ విలువలను నమోదు చేసుకోవడానికి దోహదం చేశాయి.

ఆసియాలో అతి సురక్షిత పెట్టుబడికి సానుకూల అవకాశాలున్న దేశంగా భారత్‌ను గోల్డ్‌మన్ శాక్స్ గ్రూప్ ఇంక్ ఓ నివేదికలో వెల్లడించింది. చైనాలో అనేక రంగాలు కుదేలు కావడం, అక్కడి స్టాక్ మార్కెట్లు అనిశ్చితలో ఉండటం కూడా భారత్‌కు కలసి వచ్చింది. దీంతో విదేశీ పెట్టుబడిదారులు భారత్‌ను పెట్టుబడికి సురక్షితమైన దేశంగా భావిస్తున్నట్టు గ్రూప్ ఇంక్ తన నివేదికలో వెల్లడించింది.

దేశంలో వృద్ధి అవకాశాలు, విధాన సంస్కరణలు, బలమైన క్రెడిట్ వృద్ధి భారతీయ ఈక్విటీ మార్కెట్ల పనితీరును మెరుగుపరిచాయని స్టాండర్డ్ చార్టర్డ్ బ్యాంక్ ఇన్వెస్ట్‌మెంట్ స్ట్రాటజిస్ట్ ఆడ్రి గోహ్ అభిప్రాయపడ్డారు. దేశంలో వ్యాపార, వాణిజ్యాన్ని మరింత ఆకర్షణీయంగా తీర్చిదిద్దడానికి భారత్ అడుగులు వేస్తోందని ఆయన కితాబిచ్చారు.

తాజాగా భారత స్టాక్ మార్కెట్ పెట్టుబడులు విలువ రూ.3 కోట్ల కోట్లు చేరి జీవిత కాల గరిష్ఠాలను నమోదు చేసింది. జీ20 సమావేశాలు జరుగుతున్న వేళ ఈ అంశం మరింత ప్రభావం చూపనుంది. అనేక కంపెనీలు చైనాను విడిచి భారత్‌లో తమ ఉత్పత్తిని ప్రారంభించేందుకు సిద్దం అవుతున్నాయి. యాపిల్, శ్యామ్‌సంగ్‌లాంటి కంపెనీలను భారత్ తీసుకువచ్చేందుకు ప్రధాని మోదీ స్వయంగా ప్రోత్సాహకాలు ప్రకటించారు.

విదేశీ పెట్టుబడిదారులు 2023లో ఇప్పటికే 1.13 లక్షల కోట్లతో స్టాక్స్ కొనుగోలు చేశారు. గడచిన మూడేళ్లలో ఇవి అతి పెద్ద మొత్తం కావడం గమనార్హం. చైనాలో రియల్ ఎస్టేట్ రంగం కుదేలు కావడం కూడా భారత్‌కు కలసి వచ్చింది. పెట్టుబడులకు భారత్ అనుకూలంగా ఉందని, రాబోయే పదేళ్లకు అక్కడే పెట్టుబడులు పెట్టాలనుకుంటున్నట్టు లండన్‌కు చెందిన జెఫరీస్ ఎల్‌ఎల్‌సిలో ఈక్విటీ స్ట్రాటజీ గ్లోబల్ హెడ్ క్రిస్ వుడ్ అభిప్రాయపడ్డారు. 2020లో కోవిడ్ కారణంగా భారత ఆర్థిక వ్యవస్థ కొంత మందగించినా నేడు, ప్రపంచంలోనే అతిపెద్ద ఐదో స్టాక్ మార్కెట్ పెట్టుబడిదారుగా ఉందని బ్లూమ్‌బెర్గ్ నివేదికలో వెల్లడించింది.

అవాంతరాలు కూడా పొంచి ఉన్నాయి

భారత్ పెట్టుబడిదారులకు సానుకూలంగా ఉండటమే కాదు అనేక సవాళ్లు కూడా ఉన్నాయి. పెరిగిపోయిన ముడి చమురు ధరలు, నిత్యావసర ధరలు ద్రవ్యోల్భణాన్ని పెంచేశాయి. మరోవైపు డాలరుతో రూపాయి విలువ ఎన్నడూ లేని విధంగా పతనమైంది. త్వరలో సాధారణ ఎన్నికలు కూడా ఉండటంతో పెట్టుబడిదారులు లాభాల స్వీకరణకు దిగే అవకాశం కనిపిస్తోంది. దేశంలో మౌలిక సదుపాయాలను వేగంగా పెంచడం, విద్యా ప్రమాణాలు మెరుగుపరచడం, యువ జనాభాకు తగినన్ని ఉద్యోగాలు కల్పించడం దేశం ముందున్న సవాళ్లుగా చెప్పవచ్చు.

చైనాలో కొంత ఆర్థిక అనిశ్చితి ఉన్నా పెట్టుబడిదారులు భారత్‌కు పెద్దగా వెళ్లడం లేదని మార్కెట్ నిపుణులు అభిప్రాయపడుతున్నారు. ఇప్పటికే భారత స్టాక్స్ అధిక ధరలో కొనసాగుతున్నాయని, గడచిన మూడు మాసాల్లో ఎన్‌ఎస్‌ఈ 50 స్టాక్స్ 6 శాతం పెరిగినట్టు వారు గుర్తు చేశారు. చైనా నుంచి అమెరికా కంపెనీలు పెట్టుబడులు ఉపసంహరించుకోవడం వల్ల ఇండోనేషియా, మెక్సికో, పోలండ్ దేశాలు ప్రయోజనం పొందే అవకాశం ఉందని ఆర్థిక నిపుణులు అంచనా వేస్తున్నారు. ఏది ఏమైనా భారత ఆర్థిక వ్యవస్థను విస్మరించడానికి లేదని, భారత్ ప్రపంచంలోనే అతిపెద్ద ఆర్థిక వ్యవస్థగా ఎదగవచ్చని లండన్‌కు చెందిన ఆర్థిక విశ్లేషకుడు గోర్డాన్ బోవర్స్ అభిప్రాయపడ్డారు.

జీ20 దేశాల సమావేశంలో ఇవాళ కీలక ఒప్పందాలపై సంతకాలు జరగనున్నాయి. ఇండియా, సౌదీ అరేబియా, అమెరికాలు ప్రధాన రైల్వే, ఓడరేవు ప్రాజెక్టులను నిర్మించే ఒప్పందాలపై సంతకాలు చేయనున్నాయి. ఇండియా నుంచి మధ్య ప్రాచ్యం మీదుగా ఐరోపా దేశాలకు వాణిజ్యం, ఇంధనం, డేటా బదిలీకి వీలు కల్పించే కీలక ఒప్పందాలపై
అవగాహనా ఒప్పందం జరగనుందని అమెరికా డిప్యూటీ నేషనల్ సెక్యూరిటీ సలహాదారు ఫైనర్ వెల్లడించారు.

సౌదీ అరేబియా, భారత్, యూఏఈ, యూరోపియన్ యూనియన్ దేశాలు ఈ ప్రాజెక్టులో కీలకంగా పాల్గొంటాయని ఫైనర్ న్యూఢిల్లీలో ప్రకటించారు.ఈ ఒప్పందం ఇజ్రాయెల్‌తో అమెరికా సంబంధాలను మరింత బలపరచడానికి దోహతపడుతుందన్నారు. అనేక నెలలపాటు దౌత్యం ఫలితంగా ఈ ఒప్పందాలు జరగనున్నాయని ఫైనర్ చెప్పారు.

ఈ ప్రాజెక్టుకు అపారమైన వాణిజ్య సామర్థ్యం ఉందని, అయితే ఎంత కాలానికి పూర్తవుతుందనే దానిపై స్పష్టత లేదని ఫైనర్ తెలిపారు. ఉక్రెయిన్‌ రష్యా యుద్ధంపై జీ20 దేశాల అధినేతలు విభేదించారు. కార్బన్ ఉద్గారాలను తగ్గించే కీలకమైన ఒప్పందాలు జీ20లో జరుగుతాయని ఆశిస్తున్నారు.

భారత్ వంటి దేశాలను కొల్లగొట్టి, ఆ సంపదతో ప్రపంచ సంపన్న దేశాల్లో ఒకటిగా నిలిచిన దేశం బ్రిటన్. ఇప్పుడా దేశం ఆర్థిక సమస్యలతో సతమతం అవుతోంది. కరోనా, ఆ వెంటనే ఉక్రెయిన్ యుద్ధం... ఇంగ్లండ్ ఆర్థిక వ్యవస్థ వెన్ను విరిచాయి. ఆ నేపథ్యంలో ఆ దేశపు ప్రధాన నగరాల్లో ఒకటి దివాలా తీసింది.

బ్రిటన్‌లోని రెండో అతి పెద్ద నగరం బర్మింగ్‌హామ్, తాజాగా దివాలా తీసినట్టు ప్రకటించింది. బర్మింగ్‌హామ్, యూరోపియన్ యూనియన్‌లోనే అతిపెద్ద స్థానిక స్వపరిపాలనా సంస్థ. దాని ఆదాయం సుమారు 4.3 బిలియన్ డాలర్లు. ఇప్పుడు ఆర్థిక పరిస్థితి తారుమారు అవడంతో పైసా పైసా లెక్కపెట్టి ఖర్చు పెట్టుకోవలసిన పరిస్థితి.

దాదాపు 10 లక్షల మందికి సేవలు అందించే బర్మింగ్‌హామ్‌ సిటీ కౌన్సిల్‌ మంగళవారం సెక్షన్‌ 114 నోటీస్‌ ఫైల్‌ చేసింది. లోకల్‌ గవర్నమెంట్‌ అసోసియేషన్‌ అదనపు సాయం అందించాలని సిటీ కౌన్సిలర్లు జాన్‌ కాటన్‌, షెరెన్‌ థాంప్సన్‌ కోరారు. 2023-24కు దాదాపు 109 మిలియన్‌ డాలర్లు అవసరం ఉంది. తమకు అందాల్సిన 1.25 బిలియన్‌ డాలర్ల నిధులను కన్జర్వేటివ్‌ ప్రభుత్వం లాక్కుందని థాంప్సన్‌ ఆరోపించారు. 

ఐటీ సిస్టమ్‌లో సమస్యలు కూడా బర్మింగ్‌హామ్‌ సిటీ కౌన్సిల్‌ ఆర్థిక దుస్థితిని మరింత ఎగదోశాయి. మే నెలలో ఒరాకిల్‌ ఈపీఆర్‌ సిస్టమ్‌కు 100 మిలియన్‌ డాలర్లు చెల్లించాల్సి ఉంది. తొలుత అంచనా వేసిన దాని కంటే ఇది దాదాపు నాలుగు రెట్లు అదనం.

పరిస్థితిపై బ్రిటన్‌ ప్రధాని కార్యాలయం 10 డౌనింగ్‌ స్ట్రీట్‌ స్పందించింది. అక్కడి ప్రజల విషయంలో ఆందోళన వ్యక్తం చేసింది. తాము కొంతవరకూ సాయం చేస్తామని ప్రధానమంత్రి అధికారిక ప్రతినిధి పేర్కొన్నారు. స్థానిక ప్రభుత్వాలు కూడా పన్ను చెల్లింపుదారుల సొమ్ము నుంచి వచ్చే బడ్జెట్‌ను జాగ్రత్తగా వినియోగించుకోవాలని సూచించారు.

జీ-20 భారత్ మొబైల్ యాప్‌ను డౌన్‌లోడ్ చేసుకోవాలని మంత్రులకు ప్రధాని మోదీ సలహా ఇచ్చారు. దిల్లీ వేదికగా జరిగే జీ-20 సదస్సు నిర్వహణ, సమాయత్తతపై మంత్రులకు దిశానిర్దేశం చేసిన ప్రధాని మోదీ.. విదేశీ ప్రతినిధులతో సంభాషణలు సజావుగా సాగేందుకు యాప్ దోహదపడుతుందని వివరించారు.

సదస్సుకు సంబంధించిన సమగ్ర సమాచారంతో పాటు హాజరయ్యే ప్రతినిధుల తాలూకా వివరాలు, సమావేశంలో చర్చించబోయే అంశాలు తదితర విషయాలను యాప్ లో పొందుపరిచారు. ఈ యాప్ ఆవిష్కరణతో భారత్ వర్తమాన సాంకేతికత కిర్తీ ఇనుమడించడంతో పాటు దేశం యెక్క నిబద్ధతను తెలియజేస్తోంది.

ప్రపంచ వ్యాప్తంగా ఇప్పటికే ఈ యాప్‌ను 15 వేలమంది డౌన్ లోడ్ చేసుకున్నట్లు కేంద్ర సమాచార, ఎలక్ట్రానిక్స్ మంత్రిత్వ శాఖ పేర్కొంది. జీ-20 సభ్యదేశాలకు సంబంధించిన భాషల్లో ఈ యాప్‌లో సమాచారం అందుబాటులో ఉంటుందని, దీంతో ప్రతిఒక్కరికీ ఎంతో సహాయకారిగా ఉంటుందని వెల్లడించింది.

సదస్సుకు హాజరైన ప్రతినిధులు దేశంలో ఒక చోట నుంచి మరో చోటుకి వెళ్లేందుకు అలాగే జీ-20 సమావేశాలు జరిగే వేదికలు వద్దకు వెళ్లేందుకు సాయ పడుతుంది. 24 భాషాల్లో సమాచారం అందుబాటులో ఉంటుంది. దీని ద్వారా భాషా పరమైన అడ్డంకులు అధిగమించవచ్చు.

PM@G20 MEET : డిజిటల్ ఎకానమీపై ప్రధాని ప్రసంగం

US-China tensions mount as Nancy Pelosi’s plane heads for Taiwan | Top