తిరుమల వేంకటేశ్వరస్వామి దర్శనానికి సెప్టెంబర్‌ కోటా ప్రత్యేక దర్శన టికెట్లను ఈ నెల 24వ తేదీన విడుదల చేస్తారు. ఆ మేరకు తిరుమల తిరుపతి దేవస్థానం ఒక ప్రకటనలో తెలియజేసింది. రూ. 300కు టిటిడి విక్రయించే సెప్టెంబర్ నెల ఆర్జిత సేవా టికెట్ల ఆన్‌లైన్ కోటాను విడుదల చేయనుంది.

ఈరోజు ఉదయం 10 గంటలకు ఎలక్ట్రానిక్ డిప్ ఆర్జిత సేవా టికెట్లు భక్తులకు అందుబాటులోకి వస్తాయి. జూన్ 20 ఉదయం 10 గంటల వరకు టికెట్ల నమోదుకు అవకాశం కల్పించింది. ఆ రోజు టీటీడీ మరిన్ని టికెట్లు విడుదల చేస్తుంది.

జూన్ 21 మధ్యాహ్నం 3 గంటలకు వర్చువల్ సేవా టికెట్లు విడుదల చేస్తారు. జూన్ 22 ఉదయం 10 గంటలకు అంగప్రదక్షిణ టోకెన్లు విడుదల చేస్తారు. జూన్ 22 ఉదయం 11 గంటలకు శ్రీవాణి టికెట్లు విడుదల చేస్తారు. జూన్ 22 మధ్యాహ్నం 3 గంటలకు వయోవృద్ధులు, దివ్యాంగుల దర్శన టోకెన్లు విడుదల చేస్తారు. జూన్ 24న రూ. 300 ప్రత్యేక ప్రవేశ దర్శన టికెట్లు విడుదల చేస్తారని తిరుమల తిరుపతి దేవస్థానం ఒక ప్రకటన ద్వారా వెల్లడించింది.