తెలంగాణలోని కోదాడ సమీపంలో ఘోర రోడ్డు ప్రమాదం చోటు చేసుకుంది. హైదరాబాద్ విజయవాడ జాతీయ రహదారిపై వేగంగా వెళుతోన్న కారు వెనక నుంచి ట్రక్కును ఢీ కొట్టింది. ఈ ఘటనలో చిన్నారి సహా ఆరుగురు చనిపోయారు. మరో ఇద్దరు తీవ్రంగా గాయపడ్డారు. గాయపడిన వారిని సూర్యాపేట ప్రభుత్వ ఆసుపత్రికి తరలించారు. ప్రమాదం జరిగిన కారులో ఎనిమిది మంది ప్రయాణిస్తున్నారు. వీరిలో ఆరుగురు ప్రమాద స్థలంలోనే చనిపోయారు. హైదారాబాద్ నుంచి విజయవాడ వెళుతోండగా జాతీయ రహదారిపై ఈ ఘోరం జరిగింది. పోలీసులు కేసు నమోదు చేసి విచారణ చేస్తున్నారు.
ఒకే బైకుపై నలుగురు యువకులు
తెలంగాణలోని వరంగల్ జిల్లా వర్థన్నపేట శివారు వద్ద ఘోర రోడ్డు ప్రమాదం జరిగింది. ఒకే బైకుపై వెళుతోన్న నలుగురు యువకులను బస్సు ఢీ కొట్టింది. వరంగల్ ఖమ్మం జాతీయ రహదారిపై బుధవారం రాత్రి ఈ ఘటన జరిగింది.బైకుపై ఉన్న నలుగురు విద్యార్థులంతా పదిహేడేళ్ల వయసు వారే. చనిపోయిన వారు పొన్నం గణేశ్, మల్లేపాక సిద్దు, వరుణ్ తేజ్, పొన్నాల రనిల్‌గా గుర్తించారు. ముగ్గురు విద్యార్థులు ప్రమాదం జరిగిన ప్రాంతంలోనే చనిపోగా, ఒకరు ఆసుపత్రిలో చికిత్స పొందుతూ చనిపోయాడు.
